IKEA: ఐకియా ‘కామసూత్ర’.. ఇలా చేస్తే బెడ్రూమ్ స్వర్గమేనట!

స్వీడన్‌కు చెందిన ప్రముఖ ఫర్నీచర్ దిగ్గజ సంస్థ Ikea (ఐకియా) ప్రాచీన ‘కామసూత్ర’కు కొత్త రూపం ఇచ్చింది. సరికొత్త పొజిషన్స్ (భంగిమలు)తో బెడ్‌రూమ్‌ను స్వర్గంగా ఎలా మార్చుకోవాలో తెలుపుతూ అందమైన చిత్రాలతో 44 పేజీల పుస్తకాన్ని ప్రచురించింది. ఆన్‌లైన్‌లోనూ అందుబాటులోకి తెచ్చిన ఈ పుస్తకాన్ని చూస్తే తప్పకుండా మీ కళ్లు బైర్లు కమ్ముతాయి. కామసూత్ర అనగానే.. మనమంతా వాత్సాయునుడు రాసిన శృంగార గ్రంథమని భావిస్తాం. అలాగే, పొజిషన్స్ అనగానే సెక్స్ భంగిమలే గుర్తుకు వస్తాయి. అయితే, ఓ ఫర్నీచర్ సంస్థ ప్రచురించిన ఈ కామసూత్ర పుస్తకంలో సెక్స్ భంగిమలు ఉంటాయని భావిస్తే తప్పులో కాలేసినట్లే.

ఔను, ఇది పేరుకు మాత్రమే ‘కామసూత్ర’. బెడ్రూమ్‌ను స్వర్గంగా మలుచుకోవడం అంటే.. వారి దృష్టిలో అందంగా తీర్చిదిద్దుకోండని అర్థం. పైగా, ఈ పుస్తకంలో కామసూత్రలో ఉండే ప్రతి భంగిమ పేరును ఐకియా వాడేసుకుంది. ఉదాహరణకు డాగీ స్టైల్ అనే భంగిమ గురించి చెబుతూ బెడ్రూమ్‌ను పెంపుడు కుక్కలకు అనుకూలంగా ఎలా మలుచుకోవాలో సూచించింది. ఇలా మరికొన్ని భంగిమలను కూడా బెడ్రూమ్‌ల అలంకరణకు అన్వయిస్తూ ఈ ప్రయోగం చేసింది. దీంతో ‘కామసూత్ర’ అనగానే ఎంతో ఆశగా పుస్తకం చూసేవారు అవక్కవుతున్నారు. ఐకియా చేసిన ఆసక్తికర ప్రయోగానికి మంచి స్పందనే వస్తోంది. ఇది కూడా క్రియేటివిటీయే అంటూ మెచ్చేసుకుంటున్నారు. పాపం... ఈ పుస్తకంలో ఏదో ఉంటుందని ఆశించి తెరిచినవారు మాత్రం ‘తూచ్.. ఇదేం బాలేదు’ అంటూ పెదవి విరుస్తున్నారు. మరి, ఐకియా విడుదల చేసిన ‘కామసూత్ర’ పుస్తకాన్ని మీకూ చూడాలని ఉందా? అయితే, ఇక్కడ క్లిక్ చేయండి.
Loading...

Latest Hits(ఎక్కువ మంది చదివిన వార్తలు)