ముహూర్తం పెట్టకుండానే పెళ్లి.. పైగా, వధువు మెడలో కట్టాల్సిన తాళిని.. వరుడి మెడలో కట్టారు

వధువుకు వరుడు తాళి కట్టడం రొటీన్. వరుడికి వధువు తాళి కట్టడం వెరైటీ. మరి, వధువరులిద్దరూ ఒకరి మెడలో ఒకరు తాళి కట్టుకుంటే.. అది వైరల్! ఔను, ఈ సరికొత్త ట్రెండ్ ఇప్పుడు కర్ణాటకలోని కులాంతర వివాహాల్లో మొదలైంది. లింగ సమానత్వానికి ప్రతీకగా భావిస్తూ 12వ శతాబ్దంలో బసవన్న అనే సామాజికవేత్త ఈ సాంప్రదాయానికి శ్రీకారం చుట్టారు. సోమవారం నలతవాద్‌ గ్రామంలోని హల్లూరులో దుబ్బాగి, బ్రగుండి కుటుంబాలు కులాంతర వివాహాల్లో ఈ సాంప్రదాయాన్ని అమలు చేశారు. హాలుముట్ వర్గానికి చెందిన పెళ్లి కొడుకులు అమిత్, ప్రభురాజ్, బనజిగా వర్గానికి చెందిన పెళ్లి కూతురులు ప్రియ, అంకితలకు పెళ్లి వేడుక ఘనంగా జరిగింది. ఈ పెళ్లిలో వధువు మెడలో వరుడు మంగళసూత్రం కట్టిన తర్వాత వధువు కూడా వరుడి మెడలో మంగల సూత్రం కట్టే సంప్రదాయాన్ని పాటించారు. ఈ పెళ్లికి ప్రత్యేకంగా ముహూర్తం పెట్టకపోవడం గమనార్హం. అల్లుడి కాళ్లు కడిగి కన్యాదానం చేసే సాంప్రదాయాన్ని కూడా పాటించకపోవడం విశేషం. మదరాసా చెన్నయ్య గురు పీఠానికి చెందిన బసవ మూర్తి ఈ పెళ్లికి పెద్దగా వ్యవహరించారు. కులమత బేధాలే కాదు, స్త్రీ పురుషుల మధ్య కూడా ఎటువంటి తారతమ్యం ఉండకూడదనే ఉద్దేశంతోనే ఈ విధానంలో పెళ్లిల్లు జరుపుతున్నట్లు ఆయన ఈ సందర్భంగా తెలిపారు.
Loading...

Latest Hits(ఎక్కువ మంది చదివిన వార్తలు)