శ్రీ రాముడు దగుల్భాజీనే.. రావణుడితో ఉండిఉంటే సీతకు న్యాయం జరిగేది.. ఇప్పటికీ ఈ వ్యాఖ్యలకు కట్టుబడే ఉన్నా ఏం చేస్తారు ?

శ్రీరాముడి గురించి వివాదాస్పద వ్యాఖ్యలు చేసిన కత్తి మహేష్.. తను చేసిన వ్యాఖ్యలకు కట్టుబడి ఉన్నట్లు తెలిపాడు. తానేమీ రాముణ్ని తిట్టలేదని, తన అభిప్రాయం మాత్రమే వెల్లడించానని చెప్పాడు. కల్బుర్గి, గౌరీ లంకేష్ తరహాలో నన్ను కూడా చంపేస్తారేమోనని కత్తి మహేష్ఆందోళన వ్యక్తం చేశాడు. నా హక్కుల కోసం నేను చనిపోవడానికి సిద్ధంగా ఉన్నానని కత్తి తెలిపాడు. తన ప్రశ్నలకు హిందూత్వ వాదుల దగ్గర సమాధానం లేదని చెప్పిన కత్తి.. రాజకీయాల కోసం రాముణ్ని వాడుకుంటున్నారని విమర్శించాడు. నేను క్రైస్తవుణ్ని కాదని, హేతువాదినని చెప్పిన కత్తి.. తనకెవరూ విదేశాల నుంచి నిధులు పంపడం లేదని స్పష్టం చేశాడు. దళితుడు హిందూ ధర్మాన్ని ప్రశ్నించడాన్ని తట్టుకోలేకపోతున్నారన్నాడు. రాముడి నిజమైన భక్తులు, మతాచారాలను పాటించేవారు ఇలా చేయరని కత్తి అభిప్రాయపడ్డాడు. అగ్రకుల అహంకారంతో, మతతత్వంతో ఇలా ప్రవర్తిస్తున్నారని కత్తి విమర్శించాడు.

‘పాపులారిటీ కోసం నేనేం పాకులాడటం లేదు. బిగ్ బాస్‌తో నాకు సరిపడా పాపులారిటీ వచ్చింది. పవన్ కల్యాణ్ వివాదంతో మరింత వచ్చింది, ఆ పాపులారిటీ చాల’ని కత్తి మహేష్ తెలిపాడు. నేను వివాదాల కోసం పాకులాడటం లేదు. నా నమ్మకాలు, అభిప్రాయాలను చెబుతున్నానన్నాడు. ‘రామాయణ, మహాభారతాలు సంస్కృతిక వారసత్వాలు. నేను వాటిని గౌరవిస్తా. మత మౌఢ్యాన్ని కాదు. మణిరత్నం ‘రావణ్‌’లో రావణుడే మంచోడని సీత కూడా అనుకునేలా సినిమా తీశాడు. ఆయన్నెవరూ ప్రశ్నించరు. నేను దళితుణ్ని అయినందునే ఇలా చేస్తున్నారు. వీళ్లంతా మతాన్ని అమ్ముకుంటున్నార’ని కత్తి విరుచుకుపడ్డాడు. నాపై దాడి చేసే అవకాశం ఉందని పోలీసులు సూచించారు. అందుకే ఇక నుంచి టీవీ ఛానెళ్ల దగ్గరకు వెళ్లడం కుదరదు. ఫేస్‌బుక్ ద్వారానే తన భావాలను పంచుకుంటానని కత్తి చెప్పాడు. నా నమ్మకాలను బలంగా చెబుతున్నానని మహేష్ తెలిపాడు. నా భార్య బెంగాలీ హిందు, ఆమె కూడా పూజలు చేస్తుంది. నేను తనను కాదనడం లేదని ఈ సందర్భంగా కత్తి మహేష్ చెప్పాడు.

Popular Posts

Latest Posts