సావిత్రి చివరి రోజుల్లో అంత దుర్భరమైన జీవితం గడిపితే మరి ఎన్టీఆర్, ఏఎన్నార్ లాంటి వాళ్లు సాయపడలేదా


Loading...

‘మహానటి’ సినిమా బ్రహ్మాండం.. ‘మహానటి’ ఓ అద్భుతం.. ‘మహానటి’ అమోఘం.. కీర్తి సురేష్ సావిత్రిగా జీవించేసింది.. సమంత, విజయ్ దేవరకొండ, దుల్కర్ సల్మాన్, మోహన్ బాబు, క్రిష్, ప్రకాష్ రాజ్, రాజేంద్రప్రసాద్, మోహన్ బాబు, షాలినీ పాండేలు చితక్కొట్టేశారు. ఇదీ ‘మహానటి’ చిత్రంపై ప్రేక్షకుల రెస్పాన్స్. నాగ్ అశ్విన్ దర్శకత్వంలో సావిత్రి జీవిత కథ ఆధారంగా తెరకెక్కి.. మే 9న విడుదలైన ‘మహానటి’ చిత్రానికి ప్రేక్షకులు బ్రహ్మరథం పడుతున్నారు. సావిత్రి జీవితంపై ఉన్న అనేక అపోహలు, సందేహాలకు చాలా వరకూ సమాధానాలు ఈ చిత్రంలో లభించాయి. అయితే ఈ చిత్రం చూసిన తరువాత చాలా మంది ప్రేక్షకుల మదిని తొలిచిన ప్రశ్న ఏంటంటే.. తెలుగు సినిమా ఇండస్ట్రీని ఏలిన సావిత్రి.. చివరి రోజుల్లో అంత దుర్భరమైన పరిస్థితిని ఎదుర్కొంటున్న రోజుల్లో ఆమెతో పాటు నటించిన ఎన్టీఆర్, ఏఎన్నార్, దర్శక నిర్మాతలు ఎందుకు సాయపడలేదు. వీళ్లంతా ఎక్కడకు వెళ్లిపోయారు? జెమినీ గణేషన్ సంగతి పక్కన పెట్టేద్దాం... మరి మిగతా వాళ్ల పరిస్థితి ఏంటి? అన్న సందేహాలు రాకమానవు. అయితే ఇదే రకమైన సందేహం ‘హృదయ కాలేయం’ దర్శకుడు స్టీవెన్ శంకర్‌ అలియాస్ సాయి రాజేష్‌ గారి తల్లికి రావడంతో.. ఆయన సావిత్రి కథలో ఉన్న నీతి ఏంటి అన్నదానిపై రాసిన పోస్ట్ సోషల్ మీడయాలో వైరల్‌గా మారంది.
Loading...

దర్శకుడు సాయి రాజేష్ ఫేస్‌బుక్‌ పోస్ట్‌లో ఏమన్నారంటే.. ‘"మహానటి" సినిమా చూసిన మా అమ్మ నన్నొక ప్రశ్న అడిగింది.... సావిత్రి లాంటి మహానటి అన్ని కష్టాల్లో ఉంటే మరి సినిమా వాళ్లంతా ఏం చేస్తున్నట్టు ? ఆమెనే కాదు.... చాలా మంది మనసులో నానుతున్న ప్రశ్న ఇది..... అనుభవంలో నేను చాలా చిన్నవాడిని...కానీ ఇండస్ట్రీ గురించి నాకు అర్థమైన భాషలో చెప్తాను....
Loading...

సావిత్రి (గారు) చనిపోయేనాటికి ఆమె మహానటి కాదు...... Fade Out అయిపోయిన ఒక నటి.... ఆమె నటించే సినిమాలకి కానీ.... ఆమెకి కానీ ఎటువంటి డిమాండ్ లేదు.... ఆవిడతో ఎవరికీ అవసరం కూడా లేదు.

ఈ రోజు మనకి జంధ్యాల అంటే ఎవరు....ఆహా నా పెళ్ళంట, శ్రీ వారికి ప్రేమలేఖ, చంటబ్బాయ్ లాంటి ఎన్నో గొప్ప సినిమాలు అందించిన ఒక మహా మనిషి.......కానీ ఆయన చనిపోయేనాటికి ష్ గప్చుప్...ఓహో నా పెళ్ళంట, విచిత్రం, బాబాయ్ హోటల్ లాంటి 12-15 వరస అపజయాలతో ఉన్న ఒక దర్శకుడు.... ఈ రోజు అగ్ర హాస్యనటులు అనే ప్రతి ఒక్కరి జీవితం...ఆయన పెట్టిన భిక్ష....మరి ఈ రోజు ఆయన వర్ధంతి, జయంతి లాంటివి జరిగినప్పుడు ఆయన తొలి సినిమా హీరో ప్రదీప్ గారు తప్ప...ఆయన్ని స్మరించుకునే నాధుడు లేడు.... ఎందుకు ???

మరో రెండు ఉదాహరణలు చెప్పి ...point లోకి వెళ్తాను.... దాసరి నారాయణరావు గారు సాధించిన achievements గురించి నాకు ఎలాంటి idea లేదు... నాకు సినిమా పిచ్చి మొదలయ్యే నాటికి.... ఆయన సినిమాలకి ఎటువంటి డిమాండ్ లేదు.... కానీ ఇండస్ట్రీ కి వచ్చాక ఆయన ఒంటిచేత్తో సమస్యలని పరిష్కరించటం చూసి ఆయన అంటే ఇష్టం ఏర్పడింది.... సంపూర్ణేష్ లాంటి ఒక హీరోని తయారు చేశావ్ అని కొబ్బరిమట్ట ముహూర్తం వచ్చి క్లాప్ కొట్టారు...

ఆయన చనిపోయిన రోజున... ఇండస్ట్రీ మొత్తం ఆయన ఇంటికి వచ్చి చూసి వెళ్లారు.... కానీ ఆయన ఎస్టేట్‌లో దహన సంస్కారాలు జరుగుతుంటే.... ఆయన శిష్యులు తప్ప.. యువ హీరోలు, యువ దర్శకులు రావటం నేను చూడలేదు...ఆఖరికి TOP10 దర్శకుల్లో ఒక్కరూ ఆయన దహనసంస్కారం attend అయిన వారు ఎవరో కూడా గుర్తు రావట్లేదు...

కానీ రామానాయుడు మరియు నాగేశ్వరరావు గారి దహణసంస్కారాలకి అందరూ హాజరు అయ్యారు... ఎందుకంటే ఎవరొచ్చారో చూడటానికి ఆయన వారసులు ఇండస్ట్రీలో పెద్ద పొజిషన్లో వున్నారు....

మనుషుల్లో ఈ తరహా behaviour సర్వసాధారణమే అయినా.....సినిమా వాళ్ళకి మరింత ఎక్కువ అవలక్షణాలు.....ఇక్కడ కృతజ్ఞత అనేది చాలా తక్కువ.... ఎందుకంటే ఒకరిని మించిన మరొక ఉద్ధండులు .. నీకు అడుగడుక్కి పరిచయం అవుతూ వుంటారు.... కాబట్టి వారికి నీతో అవసరం లేదు...నువ్వు కాకపోతే ఇంకొకరు...

నాకు ఇతని వల్లే అవకాశం వచ్చిందనో, ఇతని వల్లే నేనీ స్థాయిలో వున్నాననో ఎవరికి పెద్ద కృతజ్ఞతా భావం ఉండదు..... నా వరకే చూసుకుందాం.... హృదయకాలేయం తర్వాత నేను చాలా ఆటుపోట్లు చూసాను.... ఆ సినిమాతో లాభ పడ్డ చాలా మంది వ్యక్తులో.... ఒక్క సంపూర్ణేష్ బాబు తో పాటు మరొక ఇద్దరు వ్యక్తులు తప్ప ..... ఇంకెవరు నిలబడలేదు.... ఇప్పుడు వారి కారణాలు వారు చెప్పేస్తారు ☺️ రేపు మరో విజయం రాగానే తిరిగి వచ్చేస్తారు..... విజయం రాకపోతే మాకు ముందే తెలుసంటారు....నేను మాత్రం నాకు బాట వేసిన వారి పట్ల కృతజ్ఞతగా ఉన్నానా ఏంటి ,☺️

ఉదయ్ కిరణ్ మరణం తర్వాత ....ఆయన మీద జాలి చూపించిన వారెవరు.. ఆయన బ్రతికి వున్నప్పుడు... ఆయన తో సినిమాలు తియ్యలేదు... ప్రేక్షకులు టిక్కెట్లు కొనలేదు...

చావు తర్వాతే.... సావిత్రి లాంటి వారికి మహానటి స్థాయి ఏర్పడింది.... ఇప్పుడు బ్రతికి ఉండి .... పట్టించుకోబడని ఎందరో గొప్ప వ్యక్తులకి... వారి చావుతోనే ఈ ఇండస్ట్రీ మరియు జనం....వారికి Legendary స్టేటస్ ఇస్తారు...

వారసుడు గొప్ప స్థాయిలో ఉంటే....చావు తర్వాత కూడ గొప్పగా బతకొచ్చు.... లేకపోతే..పట్టించుకునే నాధుడు లేడు..... నాగ అశ్విన్ లేకుండా సావిత్రి గారి కి ఈ ప్రతిష్ట ఒక generationతో అంతం అయిపోయేది.... నిజంగా దర్శకుడు అభినందనీయుడు...

విజయాన్ని ఎప్పుడు తలకి ఎక్కించుకోకండి..... అపజయం శాశ్వతం కాదు.... సినిమా మీద ప్రేమతో వచ్చావు.... సినిమా కోసమే బతుకు.... నీ చుట్టూ ఈ రోజు ఉన్న భజన బృందం... మరో సంవత్సరానికి వేరొక దగ్గర చిడతాలు వాయిస్తూ వుంటారు.

నిన్ను అభిమానించే మనిషి.... నెల్లూరు లో ఒక గ్రామంలో....రాజమండ్రి లాంటి పట్టణంలో.... ఎక్కడో ఒక దగ్గర తమ మనసులో... కొన్ని దశాబ్దాలు దాటినా.... నిన్ను ప్రేమిస్తూ ఉంటాడు.

నువ్వు పోవచ్చు.... నీ సినిమా మాత్రం ఈ భూమ్మీద శాశ్వతంగా నిలిచిపోతుంది..... అలాంటి సినిమాకి మాత్రం మనసా వాచా కర్మణా .... నీలోని best ఇవ్వు.... అదే శాశ్వతం.... అదే జీవితం.

నీతి : రాజు గారి కుక్క చచ్చిపోతే ... అందరూ వస్తారు... రాజు గారే పోతే..... ఎవరూ రారు.

Popular Posts

Latest Posts