11 ఏళ్ళ బాలికను తల్లిని చేసిన 60 ఏళ్ళ ముసలివెధవలు

మృగాళ్ల పాపం కారణంగా అభంశుభం తెలియని ఓ బాలిక 11 ఏళ్లకే గర్భం దాల్చింది. ఓ ఆడ శిశువుకు జన్మనిచ్చింది. తీవ్ర అనారోగ్యంతో బాధ పడుతున్న ఆ శిశువు మరణం అంచున ఉంది. ఆ బిడ్డ బతకాలి.. కానీ, మాకొద్దు అంటూ బాలిక తల్లి వేదనాభరితంగా చెప్పడం పలువురిని కంటతడి పెట్టిస్తోంది. గుజరాత్‌లోని రాజ్‌కోట్‌లో ఈ దారుణం చోటు చేసుకుంది.

రాజ్‌కోట్‌కు చెందిన 11 ఏళ్ల బాలిక ప్రభుత్వ పాఠశాలలో చదువుతోంది. పేద కుటుంబం కావడంతో ఆ బాలిక విద్యాభ్యాసం చేస్తూనే ఇరుగుపొరుగు ఇళ్లలో పనిచేస్తూ తల్లికి ఆసరాగా నిలుస్తోంది. అయితే.. ఆమె పనిచేస్తున్న ఇళ్లల్లోని వ్యక్తులు ఆమెపై కన్నేశారు. ఆ బాలికపై పలుమార్లు అత్యాచారం చేశారు. ఇలా ఆరుగురు వ్యక్తులు ఆమెపై అఘాయిత్యానికి పాప్పడ్డారు. నిందితుల్లో ఇద్దరు 60 ఏళ్ల వృద్ధులతో తో పాటు ఓ మైనర్‌ కూడా ఉన్నాడు.

9 నెలలుగా జరుగుతోన్న కిరాతకం కారణంగా ఆ బాలిక గర్భం దాల్చింది. తనపై జరిగిన ఘోరం గురించి ఎవరికైనా చెబితే చంపేస్తామని బెదిరించడంతో ఆ బాలిక ఎవరికీ ఆ విషయం గురించి చెప్పలేదు. బాలిక శరీరంలో మార్పులు రావడం గుర్తించిన ఆమె తల్లి మార్చి 8న ఆసుపత్రికి తీసుకెళ్లింది. అక్కడ వైద్యులు చెప్పిన వార్త విని హతాశురాలైంది. ఆ బాలిక అప్పటికే 8 నెలల గర్భవతి అని డాక్టర్లు తెలిపారు.

ఆమె ఆరోగ్య పరిస్థితి క్లిష్టంగా మారడంతో రాజ్‌కోట్‌ ప్రభుత్వ ఆసుపత్రిలో చేర్పించారు. మార్చి 17న ఆ బాలిక ఓ ఆడ శిశువుకు జన్మనిచ్చింది. బాలికను కాపాడటానికి సిజేరియన్‌ చేయాల్సి వచ్చిందని వైద్యులు తెలిపారు. ప్రస్తుతం ఆ బాలిక క్షేమంగా ఉంది. కానీ, వెన్నెముక లోపం, పక్షవాతం రావడంతో శిశువు ఆరోగ్య పరిస్థితి విషమంగా ఉన్నట్లు డాక్టర్లు తెలిపారు.

Popular Posts

Latest Posts