ఉత్తరప్రదేశ్ రాష్ట్రం లోని బులందర్ షహర్ జిల్లా లోని ఓ గ్రామ పంచాయతిలో ఈ ఘటన చోటుచేసుకుంది. ఆమె వేరే వ్యక్తితో అఫైర్ పెట్టుకొని పారిపోయింది. దీంతో ఆమెను తిరిగి పట్టుకొని వచ్చి గ్రామంలో పంచాయతి పెట్టారు. ఆ పంచాయతిలో భార్యను బెల్ట్ తో కొట్టమని తీర్మానించారు. దీంతో ఆమె చేతులను చెట్టుకు కట్టేయించి భర్తతో ఇష్టం వచ్చినట్లు కొట్టించారు. ఆ తర్వాత ఈ వీడియో సోషల్ మీడియాలో వైరల్ అయింది.
పోలీసుల వద్దకు విషయం వెళ్ళింది. దీంతో ఆ పోలీసులు మహిళను తీసుకొని రాగా మొత్తం జరిగిన ఘటన చెప్పేసింది. పంచాయతి పెద్దలను కూడా పోలీసులు అదుపులోకి తీసుకొన్నారు. ఆమె భర్తపై ఇప్పటికే పోలీసులు కేసు నమోదు చేశారు. ఈ కేసుకు సంబంధించి మరికొందరిని పోలీసులు విచారించనున్నారు.
