టీలో కొన్ని యాలకులను వేసుకుని మ‌రిగించి తాగితే అదిరిపోయే 8 లాభాలు

యాలకులను మనం తరచూ పలు వంటకాల్లో వేస్తామని అందరికీ తెలిసిందే. వీటిని ఎక్కువగా తీపి వంటకాల్లో వేస్తారు. దీంతో ఆయా వంటలకు చక్కని రుచి, వాసన వస్తాయి. అయితే యాలకుల వల్ల మనకు ఇవే కాకుండా పలు ఆరోగ్యకర ప్రయోజనాలు కూడా కలుగుతాయి. ముఖ్యంగా రోజూ టీలో కొన్ని యాలకులను వేసుకుని మ‌రిగించి తాగితే దాంతో ఎలాంటి లాభాలు కలుగుతాయో ఇప్పుడు తెలుసుకుందాం.

1. రోజూ యాలకుల టీ తాగితే జీర్ణక్రియ మెరుగుపడుతుంది. గ్యాస్, అసిడిటీ, మలబద్దకం ఉండవు.

2. యాలకుల్లో ఉండే యాంటీ బాక్టీరియల్ గుణాలు నోట్లో ఉండే బాక్టీరియాను నాశనం చేస్తాయి. దీంతో నోటి దుర్వాసన పోతుంది. గొంతు తడి ఆరిపోవడం వంటి సమస్యలు రావు. దంతాలు దృఢంగా మారుతాయి. చిగుళ్లు ఆరోగ్యంగా ఉంటాయి. నోటి పూత తగ్గుతుంది.

3. ముక్కు దిబ్బడ, జలుబు, దగ్గు వంటి శ్వాసకోశ సమస్యలతో సతమతమయ్యే వారు ఒక కప్పు యాలకుల టీ తాగితే ఉపశమనం లభిస్తుంది. శ్వాస నాళాల్లో ఏర్పడే ఇబ్బందులు తొలగిపోతాయి. ముక్కు రంధ్రాల్లో ఉండే మ్యూకస్ కరిగిపోతుంది.

4. యాలకుల టీలో ఉండే సహజసిద్ధమైన యాంటీ బాక్టీరియల్, యాంటీ వైరల్, యాంటీ ఫంగల్ గుణాలు చిన్న చిన్న గాయాలను త్వరగా మానేలా చేస్తాయి.

5. తలనొప్పి, కీళ్ల నొప్పుల సమస్యలతో ఇబ్బందులు పడేవారు యాలకుల టీ తాగితే ఉపశమనం లభిస్తుంది. శరీరంలో ఉండే నొప్పులు, వాపులు తగ్గుతాయి.

6. యాలకుల టీని తరచూ సేవిస్తే రక్త సరఫరా మెరుగు పడుతుంది. రక్తం ఎక్కువగా తయారవుతుంది. గుండె సమస్యలు రాకుండా ఉంటాయి. రక్త నాళాల్లో ఏర్పడే అడ్డంకులు తొలగిపోతాయి.

7. శరీరంలో పేరుకుపోయే వ్యర్థ పదార్థాలు బయటకు వెళ్లిపోతాయి. శరీరం అంతర్గతంగా శుభ్రంగా మారుతుంది.

8. యాలకుల టీ శరీర మెటబాలిజం రేటును పెంచుతుంది. దీంతో కొవ్వు బాగా కరుగుతుంది. ఫలితంగా అధిక బరువు తగ్గుతారు.

Popular Posts

Latest Posts