కుబేరులు బాత్ రూమ్ లో వాడే టాయిలెట్ పేపర్ ఖరీదు 60 వేలు.

ఒక కప్పు టీ తాగాలంటే మనం ఎంత ఖర్చు పెడతాం? బయట టీ స్టాల్‌లో రూ.5 నుంచి రూ.20 ఇస్తాం. ఫైవ్ స్టార్ హోటల్‌లో దాదాపు రూ.100 నుంచి రూ.200 చెల్లిస్తాం. కానీ, రూ.90,000 విలువ చేసే టీ ఎప్పుడైనా తాగారా? కేవలం టీ మాత్రమే కాదు.. వాటర్ బాటిల్, స్మార్ట్‌ఫోన్, పిజ్జా, టాయిలెట్ పేపర్, కాఫీ, ఇయర్ ఫోన్స్ కొనాలన్నా లక్ష నుంచి కోట్లు వెచ్చించాల్సి ఉంటుంది. అవేంటో చూసేయండి మరి!!

01. తూత్ బ్రష్ - ఈ తూత్ బ్రష్ విలువ రూ.2.5 లక్షలు. బిలినియర్లు వాడే ఈ బ్రష్‌ను టిటానియంతో తయారు చేశారు. అంతేకాదు, దీనికి యాంటి బాక్టిరియా కోటింగ్ కూడా ఉంటుంది. సాధారణంగా మన బ్రష్ పాడైతే.. దాన్ని పక్కన పాడేసి కొత్తది కొంటాం. అయితే, ఈ బ్రష్‌కు హెడ్ మాత్రం మార్చుకుంటే చాలు.

02. మోనోపోలీ - మనీ గేమ్స్‌‌కోసం వాడే ఈ ‘మోనోపోలీ’ విలువ రూ.12.9 కోట్లు. దీన్ని 18 కేరట్ గోల్డ్, 42 కట్ డైమండ్స్, 165 రుబీలతో తయారు చేశారు. దీని డైస్ (పాచికలు) విలువ రూ.6.4 లక్షలు.

03. సబ్బు - ఈ సబ్బు వాడితే తప్పకుండా మేను బంగారంలా మెరిసిపోతుంది. కానీ, దీన్ని వాడేందుకు ఎవరూ సాహసం చేయడం లేదు. ఎందుకంటే దీని విలువ ఈ సబ్బు విలువ రూ.1,81,175 కాబట్టి. లెబనన్‌లో కటార్ సోప్ ఉత్పత్తి సంస్థ ఈ సబ్బును తయారు చేసింది. దీన్ని డైమండ్, గోల్డ్ ఫౌడర్‌తో తయారు చేశారు.

04. ఇయర్ ఫోన్స్ - ఈ ఇయర్ ఫోన్స్ పెట్టుకుంటే చైన్ స్నాచర్లు తప్పకుండా మీ వెంటపడతారు. దీని ఇయర్ ఫోన్ ఒక్కోదాన్ని 59 వజ్రాలు, 18 కేరట్ల బంగారు పూతతో తయారు చేశారు. బ్రిస్టల్‌లో విక్రయిస్తున్న ఈ ఇయర్ బడ్స్‌ను ‘కాసా జి’ అనే సంస్థ తయారు చేసింది. దీని విలువ రూ.3,39,976.

05. కాఫీ - కాఫీ ఉత్పత్తుల ఎగుమతుల్లో మూడో అతి పెద్ద దేశం ఇండియా. అయితే, కర్ణాటకలోని కూర్గ్ జిల్లాలో పునుగు పిల్లి మూత్రంతో తయారు చేస్తారు. కాఫీ గింజలు తిన్న పునుగు పిల్లి విసర్జన సువాసన వస్తుంది. దీనికి ఐరోపా, గల్ఫ్ దేశాల్లో భారీ డిమాండు ఉంది. ఒక కిలోరూ.20,000 నుంచి రూ.25,000 పలుకుతుంది.

06. పిజ్జా - ఇది సాదా సీదా పిజ్జా కాదు. గిన్నిస్ బుక్‌లో సైతం స్థానం పొందిన పిజ్జా. 24 కేరట్ల బంగారం ఆకులు, ఖరీదైన ఆహార పదార్థాల మిశ్రమంతో తయారు చేసిన ఈ పిజ్జా ధర రూ.1,74,678 అంటే నమ్ముతారా? కానీ, నమ్మాలి. ఇది దాచుకోడానికి కాదండోయ్. తినడానికే!

07. టాయిలెట్ పేపర్ - ఈ టాయిలెట్ పేపరు వాడాలంటే.. మనస్సు విలవిల్లాడుతుంది. రూ.62,760 విలువ చేసే ఈ టాయిలెట్ పేపరును.. కెనడాలోని నాణ్యమైన చెక్కపొడితో తయారు చేస్తారు. ‘హనేబిసో’ అనే ఈ ఉత్పత్తిని జపాన్‌లో చేనేతలు మాత్రమే తయారు చేయగలరు.

08. కుంకుమ పువ్వు - కుంకుమ పువ్వు గురించి మనకు తెలియంది కాదు. 0.45 కిలో గ్రాముల కుంకుమ పువ్వు ధర రూ.3,23,975. కశ్మీర్‌లో లభించే నాణ్యమైన కుంకుమ పువ్వును పండించేందుకే కేజీకి రూ.50,000 నుంచి రూ.75,000 ఖర్చవుతుంది. దీన్ని వంటలు, ఔషదాలు, సుగంధ ద్రవ్యాలు, కాస్మెటిక్స్‌లో వినియోగిస్తారు.

09. స్మార్ట్ ఫోన్ - యాపిల్ ఉత్పత్తులు మాత్రమే ఖరీదైనవి అనుకుంటే పొరపాటు. యాపిల్‌కు తాతలాంటి స్మార్ట్‌ఫోన్ కూడా ఒకటి ఉంది. దీన్ని స్మార్ట్ అనడం కంటే.. జ్యువెలరీ ఫోన్ అంటే బెటర్. ఎందుకంటే.. ఈ మొబైల్ డిజైన్లోని కోబ్రాలో దాదాపు 439 రూబీలు(కెంపులు) పొదిగారు. వెర్తు సిగ్నేచర్ కోబ్రా అనే ఈ ఫోన్ విలువ ఎంతో తెలుసా? రూ.2.3 కోట్లు!!

10. టీ - ద హంగ్ పావో అనే ఈ తేనీరు (టీ).. ప్రపంచంలోనే అత్యంత ఖరీదైన టీ. ఒక గ్రాము టీ ఆకుల విలువ రూ.90,000 ఉంటుందంటే.. దానితో తయారు చేసే టీ ధర ఎంత ఉంటుందో అర్థం చేసుకోవచ్చు. ఇది దాదాపు 80 ఏళ్ల వరకు నిల్వ ఉంటుంది.

11. వాటర్ బాటిల్ - భారత మార్కెట్లోకి అడుగు పెడుతోన్న బెవర్లె హిల్స్ 90H2O లగ్జరీ వాటర్ బాటిల్ ధర ఎంతో తెలుసా? అక్షరాలా.. అరవై ఐదు లక్షలు (రూ.65 లక్షలు). అంటే, ఒక్క గుటక నీళ్లు.. అమృతం కంటే విలువైనదన్న మాట. బాటిల్ పాడేసినా.. దాని మూత మాత్రం పాడేయకండి. ఎందుకంటే.. దాన్ని వజ్రాలతో ప్రత్యేకంగా తయారు చేశారు.

Popular Posts

Latest Posts