పడుకునే ముందు పాదాలకు మసాజ్ చేస్తే.. గాఢ నిద్ర పట్టడంతోపాటు.. చక్కటి సెక్స్ ఫీలింగ్స్...

పాదంలోని కొన్ని భాగాలపై ఒత్తిడి కలిగిస్తూ.. మసాజ్ చేయడం వల్ల ఆరోగ్యం మెరుగుపడటంతోపాటు రిలాక్స్‌గా అనిపిస్తుంది. శరీరంలోని వివిధ అవయవాలకు పాదాలతో సంబంధం ఉంటుందనే సంగతి తెలిసిందే. పడుకునే ముందు పాదాలను మసాజ్ చేయడం వల్ల చక్కటి నిద్ర మీ సొంతం అవుతుంది. రక్తప్రసరణను మెరుగుపర్చడానికి తోడ్పడుతుంది. కాబట్టి రోజూ షూ వేసుకునేవారు, కదలకుండా ఒకే చోట కూర్చొని పని చేసేవారు రాత్రి సమయంలో పాదాలను మసాజ్ చేసుకుంటే మంచిది. ఇలా చేయడం వల్ల రిలాక్స్‌గా అనిపించడంతోపాటు.. సెక్స్ లైఫ్‌ను ఎంజాయ్ చేయడానికి ఉపకరిస్తుంది. యాంగ్జైటీని తగ్గించవచ్చు. నిద్రకు ఉపక్రమించే ముందు పది నుంచి పదిహేను నిమిషాలపాటు మసాజ్ చేస్తే మంచి ఫలితాలు పొందవచ్చు. కాలి బొటనవేలును మసాజ్ చేయడం వల్ల ఊపిరితిత్తులు, మెదడుకు ఉపయుక్తంగా ఉంటుంది. మిగతా మూడు వేళ్లను మసాజ్ చేయడం వల్ల పంటి నొప్పులు తగ్గుముఖం పడతాయి.

పడక మీదకు చేరాక.. నిటారుగా కూర్చొని పాదాలను ఒళ్లోకి తీసుకొని మసాజ్ చేసుకోవచ్చు. గోరువెచ్చని నూనెతో మసాజ్ చేస్తే చక్కటి రిలీఫ్ లభిస్తుంది. పాదాలపై ఓ క్రమ పద్ధతిలో చేతివేళ్లతో సున్నితంగా నొక్కడం వల్ల ఫలితం ఉంటుంది. ఒత్తిడిని తొలగించడానికి, అనారోగ్యాన్ని తగ్గించడానికి ఉద్దేశించిన రిఫ్లెక్సాలజీ అనే వైద్య పద్ధతిలో పాదాలను మసాజ్ చేయడం అనేది ఓ భాగం. అరికాలు, చీలమండల, పాదంపై ఉండే భాగాలపై చూపుడు వేలు, అరచేయి, బొటనవేలి సాయంతో నిర్ణీత మొత్తంలో ఒత్తిడి కలిగిస్తారు.

పాదాలను మసాజ్ చేయడం వల్ల ఒత్తిడి దూరం అవుతుంది. బొటన వేలు మధ్య భాగంలో, బొటన వేలి కింది భాగంలో వేలితో నొక్కడం ద్వారా భావోద్వేగాలను అదుపులో ఉంచుకోవచ్చు. మానసిక ఆరోగ్యాన్ని పెంపొందించుకోవచ్చు. కాలి వేళ్లను ఐదు నిమిషాలపాటు మసాజ్ చేయడం ద్వారా మెడ నొప్పి కూడా తగ్గుముఖం పడుతుంది.

అరికాలు వంపు తిరిగిన ప్రదేశంలో ఉన్న పాయింట్‌పై బొటన వేలితో నొక్కుతూ బలంగా ఊపిరి తీసుకోవాలి. తర్వాత నెమ్మదిగా వేలిని తీసేసి శ్వాస వదలాలి. ఇలా రెండో పాదానికి కూడా చేయాలి. వారంలో రెండుసార్లు చొప్పున ఇలా చేస్తే రక్తపోటు అదుపులో ఉంటుంది.

Popular Posts

Latest Posts