లక్షల రూపాయలు ఖర్చు అయ్యే వైద్యం అక్కడ ఉచితం.. అక్కడ ఏ ఆపరేషన్ అయినా ఉచితమే.! గుండె, కిడ్నీ సమస్యలకు ప్రపంచస్థాయి వైద్యులచే వైద్యం

హార్ట్ ఆపరేషన్ అయినా, కిడ్నీ ట్రాన్స్ ప్లాంటేషన్ అయినా…అక్కడంతా ఫ్రీనే.! లక్షల రూపాయలు ఖర్చు అయ్యే వైద్యం అక్కడ ఉచితంగా అందుతుంది. దీనికి మీరు చేయాల్సిందంతా ఒక్కటే…. ఇంతకు ముందు మీరు చూపించుకున్న హాస్పిటల్స్ రిపోర్ట్స్ ను వెంట తీసుకెళితే చాలు. అనంతపురం జిల్లాలోని పుట్టపర్తిలో పుట్టపర్తి సాయిబాబా కట్టించిన సత్యసాయి స్పెషాలిటీ హాస్పిటల్ ఈ ఉచిత వైద్యాన్ని అందిస్తున్నారు. 1991 లో అప్పటి ప్రధాని పి.వి.నరసింహారావుచే ప్రారంభింపబడిన 220 పడకలు గల ఒక సూపర్ స్పెషాలిటీ హాస్పిటల్ పేదలకు ఉచిత వైద్యాన్ని అందిస్తూ మన్ననలు పొందుతుంది. ఇక్కడ వైద్యం చేయించుకోడానికి దేశ విదేశాల నుండి రోగులు వస్తుంటారు. ప్రపంచస్థాయి డాక్టర్లు ఇక్కడ సేవలందిస్తుంటారు.

ఉదయం 6 గంటల వరకు… ఆసుపత్రి ప్రాంగణం ముందు క్యూలు కడితే…7 వరకు టోకెన్స్ ఇచ్చి లోపలికి పంపుతారు. పేషెంట్స్ వ్యాధులను బట్టి వారిని ఆయా ప్రత్యేక వార్డ్ లకు పంపించి, అవసరమైన వైద్యాన్ని అందిస్తారు. ఇక్కడి డాక్టర్ల చేతి మహిమో.. ఏమోకానీ… వ్యాధి ఇట్టే నయం అయిందన్న చెప్పే వాళ్లు, అంతా పుట్టపర్తి సాయిబాబా దయ అని… కీర్తించేవారు చాలామందే ఉన్నారు.
సత్యసాయి హాస్పిటల్ లో అందించే వైద్య సేవలు:
గుండె సంబంధిత వ్యాధులు.
మూత్రపిండాలకు సంబంధించిన వ్యాధులు.
ఫ్లాస్టిక్ సర్జరీ.
కంటిచూపుకు.
ఆర్థ్రోపెడిక్.
గ్యాస్ట్రోఎంటరాలజీ( ఎండోస్కొపి)
పేదల వైద్యం కోసం పుట్టపర్తి సాయిబాబా స్థాపించిన ఇతర సంస్థలు.
  • పుట్టపర్తిలోని Sri Sathya Sai Institute of Higher Medical Sciences 220 పడకలు గల ఒక సూపర్ స్పెషాలిటీ హాస్పిటల్.
  • బెంగళూరులోని శ్రీ సత్యసాయి ఇనస్టిట్టూట్ ఆఫ్ మెడికల్ సైన్సెస్ 333 పడకల ఆసుపత్రి.
  • అలాగే బెంగళూరు వైట్‌ఫీల్డ్ల్‌లోని సత్యసాయి జనరల్ హాస్పిటల్
  • ఇంకా ఎన్నో వైద్యశాలలు గ్రామీణ పేదవారికి వైద్య సదుపాయాలు ఉచితంగా కలుగజేస్తున్నాయి.
ఇతర కార్యక్రమాలు:
  • అనావృష్టి ప్రాంతమైన అనంతపురం జిల్లాలో అనేక మంచినీటి ప్రాజెక్టులు
  • చెన్నై నగరానికి కూడా సత్యసాయి సంస్థల అధ్వర్యంలో 200కోట్ల రూపాయల పైన ఖర్చుతొ నిర్మించిన ప్రాజెక్టులు త్రాగునీరు సరఫరా చేస్తున్నాయి.
  • 33 దేశాలలో వ్యక్తిత్వాన్ని వికసింపజేసే విద్య (Educare, Education in Human Values) నేర్పే పాఠశాలలు ప్రాంభించారు.

Popular Posts

Latest Posts