కొవ్వు పెరగాలన్నా తగ్గాలన్న దానికి కారణం మెటబాలిజం కాబట్టి మెటబాలిజం స్పీడవ్వాలంటే ఈ సూత్రాలు పాటించాలి

మనం తీసుకునే ఆహారం శక్తిగా మారి ఖర్చయ్యే విధానమే మెటబాలిజం. ఇది ఒక్కొకరిలో ఒక్కోలా ఉంటుంది. ఏ సమయంలోనైనా దీని వేగం పెరగొచ్చు, తగ్గొచ్చు. పెరిగితే ఫర్వాలేదు. తగ్గితే శక్తి కొవ్వుగా పేరుకుపోతుంది. కాబట్టి మెటబాలిజంను నీరసించిపోకుండా పరుగులు పెట్టించాలంటే ఈ ఆరోగ్య సూత్రాలు పాటించాలి.

ఈ కొవ్వులు తినాలి: డార్క్‌ చాక్లెట్‌, అవకాడో, ఆలివ్‌ ఆయిల్‌, పీనట్‌ బటర్‌, వాల్‌నట్స్‌, ఫ్లాక్స్‌ సీడ్‌, చేపలు, సోయాబీన్స్‌…వీటిలో హెల్దీ ఫ్యాట్స్‌ ఉంటాయి. కాబట్టి ఆహారంలో వీటిని చేర్చుకుని యానిమల్‌ ఫ్యాట్స్‌ను కట్‌ చేయాలి.

స్మాల్‌ మీల్స్‌:
రోజుకి మూడు సార్లు కాకుండా ప్రతి మూడు గంటలకు కొద్ది పరిమాణంలో ఆహారం తీసుకోవాలి. ఇలా అలవాటు చేసుకుంటే గంటలపాటు కొవ్వు కరుగుతూ ఉంటుంది.

లీటర్లకొద్దీ నీళ్లు: రోజుకి కనీసం 3 నుంచి 4 లీటర్ల నీళ్లు తాగాలి. నీరు తాగిన పది నిమిషాల్లోనే మెటబాలిజం 30 శాతం పెరిగి 30 నిమిషాలకు స్పీడు అందుకుంటుందని పరిశోధనల్లో తేలింది. కాబట్టి వీలైనన్ని ఎక్కువ నీళ్లు తాగాలి.

8 గంటల నిద్ర: శరీరం రోజంతా సమర్ధంగా పనిచేయటానికి నిద్ర ఉపకరిస్తుంది. నిద్రలేమి మెటబాలిజంను కుంటుపరుస్తుంది. దాంతో తక్కువ శక్తి ఖర్చవటంతోపాటు ఆకలి పెరుగుతుంది. కాబట్టి మెటబాలిజం స్పీడవ్వాలంటే కంటినిండా నిద్ర పోవాలి.

డైటింగ్‌ రూల్స్‌: డైటింగ్‌ పేరుతో శరీరానికి అందే క్యాలరీలలో కోత వేస్తే నష్టమే ఎక్కువ. డైటింగ్‌ చేసేవాళ్లు ఎత్తును బట్టి రోజుకి 1350 నుంచి 1500 క్యాలరీలకు తగ్గకుండా ఆహారం తీసుకోవాలి.

తప్పనిసరి పదార్థాలు: కొన్ని పదార్థాలు మెటబాలిజం వేగాన్ని పెంచుతాయి. చేపలు, గ్రీన్‌ టీ, పచ్చిమిర్చి, పుచ్చకాయ, బాదం, యాపిల్స్‌, సోయాబీన్‌ అలాంటివే! వీటిలో కొన్నిటినైనా ప్రతిరోజూ తీసుకోవాలి.

భరించలేని నడుము నొప్పికి ఇంట్లోనే చిట్కాలు

లోయర్ బ్యాక్ పెయిన్ తో బాధపడే వారి సంఖ్య రోజు రోజుకు పెరుగుతున్నందున, నొప్పి నివారిణుల కోసం హోం రెమెడీస్ మీద ఎక్కువగా ఆధారపడుతున్నారు. లోయర్ బ్యాక్ పెయిన్ నివారించడంలో ఎలాంటి హోం రెమెడీస్ ఎక్కువగా ఉపయోగపడుతాయని తెలుసుకోవడానికి ప్రయత్నిస్తున్నారు. లోయర్ బ్యాక్ పెయిన్ కు డాక్ట్సర్స్ ను ముఖ్యంగా ఆర్థోపెడిషియన్స్ ను కలిసినా..నొప్పిని త్వరగా తగ్గించుకోలేకపోతున్నారు. ఎక్సెసివ్ లోయర్ బ్యాక్ పెయిన్ ఉన్నప్పుడు ఎలాంటి మెడికేషన్స్ పెద్దగా పనిచేయవు . కానీ వీటికి ప్రత్యామ్నాయంగా కొన్ని ఎఫెక్టివ్ హోం రెమెడీస్ ను ఉపయోగించడం వల్ల లోయర్ బ్యాక్ పెయిన్ నుండి ఉపశమనం పొందవచ్చు

బెడ్ రెస్ట్ తగ్గించుకోవాలి: లోయర్ బ్యాక్ పెయిన్ తో బాధపడే వారు బెడ్ రెస్ట్ తీసుకుంటే త్వరగా ఉపశమనం కలుగుతుందని భావిస్తారు. కానీ డాక్టర్ల సలహా ప్రకారం, బెడ్ రెస్ట్ తీసుకోవడం తగ్గించాలని సూచిస్తున్నారు. ఎక్కువ నిద్రపోవడం వల్ల నొప్పి మరింత ఎక్కువ అవుతుంది. దీంతో పాటు, జీవనశైలిలో మార్పులు చేసుకోవడం వల్ల తరచు వచ్చే బ్యాక్ పెయిన్ ను నివారించుకోవచ్చు.

వ్యాయామం: లోయర్ బ్యాక్ పెయిన్ నివారించడంలో వ్యాయామం లేదా వర్కౌట్స్ చాలా ఎఫెక్టివ్ గా పనిచేసి, లోయర్ బ్యాక్ పెయిన్ ను నివారిస్తాయి. బ్యాక్ పెయిన్ తగ్గించడానికి సరిపోయే వ్యాయామాలను ఎంపిక చేసుకొని నిపుణులు సమక్ష్యంలో రెగ్యులర్ గా చేయడం వల్ల లోయర్ బ్యాక్ పెయిన్ తగ్గించుకోవచ్చు,.

యోగ: లోయర్ బ్యాక్ పెయిన్ తగ్గించడంలో మరో ఎఫెక్టివ్ మార్గం యోగ. యోగా యొక్క అద్భుతమైన ఫలితాలను శాస్త్రీయంగా కూడా అంగీకరించబడినవి.లోయర్ బ్యాక్ పెయిన్ తగ్గించుకోవడానికి యోగ నిపుణుల సమక్షంలో కరెక్టైన యోగాసనాలను నేచుర్చుకోవాలి. వీటిని రెగ్యులర్ గా చేస్తుంటే లోయర్ బ్యాక్ పెయిన్ తగ్గించుకోవచ్చు.

కూర్చొనే విధానం
: లోయర్ బ్యాక్ పెయిన్ కు ప్రధాణ కారణం కూర్చొనే భంగిమ తప్పుగా ఉండటం. ఈ ఒక్క బేసిక్ రీజన్ వల్లే బ్యాపెయిన్ ఎక్కువగా బాధిస్తుందని డాక్టర్స్ మరియు ఫిజియోథెరఫిస్టులు సూచిస్తున్నారు . ఎక్సెసిస్ లోయర్ బ్యాక్ పెయిన్ కు సరైన భంగిమలో కూర్చోవడం ముఖ్యమని సూచిస్తున్నారు.

పొట్ట భాగంలోని కండరాలను బలోపేతం చేసుకోవాలి: ఆబ్డామినల్ మజిల్స్ వీక్ గా ఉన్నట్లైతే లోయర్ బ్యాక్ పెయిన్ కు కారణమవుతుంది. కాబట్టి, పొట్ట ఉదరంలో కండరాలను బలపరుచుకోవాలి. అందకు సరైన ఆహారం తీసుకుంటూ , హెల్తీ లైఫ్ స్టైల్ మెయింటైన్ చేయడం వల్ల ఆబ్డామినల్ మజిల్స్ స్ట్రాంగ్ గా మారుతాయి.

తరచూ పెయిన్ కిల్లర్స్ తీసుకోవడం తగ్గించాలి: సాధారణంగా పెయిన్ కిల్లర్స్ టెంపరెరీగా ఉపశమనం కలిగిస్తాయి . అంతే కాదు, వీటిని రెగ్యులర్ గా తింటుంటే ఇతర సైడ్ ఎపెక్ట్స్ ఎక్కువగా ఉంటాయి . లోయర్ బ్యాక్ పెయిన్ తగ్గించుకోవడం కోసం ఎఫెక్టివ్ ట్రీట్మెంట్స్ లో అంధించే పెయిన్ కిల్లర్స్ ను మానేసి హెల్తీ నేచురల్ ఫుడ్స్ ను ఎక్కువగా తీసుకోవాలి.

నాన్ వెజ్ తినడం మంచిదే ఏం తింటే ఏం లాభమో తెలుసుకోండి

మేక, గొర్రె మాంసంలో ప్రతి 100 గ్రాములకు 25 గ్రాముల ప్రొటీన్లతో పాటు 63.8 మిల్లీగ్రాముల కొలెస్ట్రాల్‌, 3.2 మిల్లీగ్రాముల ఐరన్‌ ఉంటాయి.

100 గ్రాముల బీఫ్‌లో 29గ్రాముల ప్రొటీన్లు, 73.1 మిల్లీగ్రాముల కొలెస్ర్టాల్‌, 2.9 మిల్లీగ్రాముల ఐరన్‌ ఉంటుంది.

అలాగే 100 గ్రాముల ఫోర్క్‌(పంది మాంసం)లో 24 గ్రాముల ప్రొటీన్లు, 76 గ్రాముల కొలెస్ర్టాల్‌ ఉంటుంది. 

100 గ్రాముల బ్రెస్ట్‌ చికెన్లో 24 గ్రాముల ప్రొటీన్లతోపాటు 1.5 మిల్లీగ్రాముల ఐరన్‌ ఉంటుంది. 

100 గ్రాముల చేపలో 22గ్రాముల ప్రొటీన్లు ఉంటాయి. వాటితో ఆరోగ్యోనికి హాని కలిగించే స్టాట్యురేటెడ్‌ ఫ్యాటీ యాసిడ్లు కూడా ఆ మాంసాల్లో ఉంటాయి. వాటిని అధికంగా భుజిస్తే మాత్రం గుండె సంబంధితవ్యాధులు తప్పవని వైద్యులు హెచ్చరిస్తున్నారు. 

వాటి వివరాలు ఇలా ఉన్నాయి. అన్నింటికంటే ఎక్కువగా ప్రతి 100 గ్రాముల బీఫ్‌లో 3.00 గ్రాముల శాచ్యురేటెడ్‌ ఫ్యాటీ యాసిడ్లు ఉన్నాయి. చికెన్‌లో 1.7 గ్రాములు, మేక, గొర్రె మాంసంలో 0.79 గ్రాములు ఉంటుంది. 

అన్నింటి కంటే అతి తక్కువ శాచ్యురేటెడ్‌ ఫ్యాటీ యాసిడ్లు ఉండి, నాన్‌ శాచ్యురేటెడ్‌ ఫ్యాటీ యాసిడ్లు అధికంగా ఉండే ఫిష్‌ను తీసుకోవాలని వైద్యులు కూడా సూచిస్తున్నారు.

ఇప్పటి వరకు 10,000 అనాథ శవాలకు అంత్యక్రియలు జరిపించిన మహానుభావుడు

ఈ రోజుల్లో చాలా మంది కని,పెంచిన తల్లిదండ్రులను ఎలా వదిలించుకోవాలా అని ఆలోచిస్తున్నారు. వాళ్లను వృద్ధాశ్రమాలకు పంపించి తమ బాధ్యత వదిలిపోయిందని చేతులు దులుపుకొంటున్నారు. అమ్మనాన్నలు భారమయ్యారని భార్యతో కలిసి హత్యచేసిన సందర్భాలూ లేకపోలేదు. గుజరాత్‌లో మొన్నటికి మొన్న కన్న తల్లినే భవనంపై నుంచి తోసి హతమార్చిన కసాయి కొడుకు ఉదంతమే దీనికి నిదర్శనం. అలాంటిది.. వారెవరో తెలీదు.. ఎక్కడ నుంచి వచ్చారో, ఏ ప్రాంతమో అసలే తెలీదు. విధి వక్రించి ప్రాణాలు కోల్పోయారు. అనాథ శవాలుగా మిగిలారు. వారందరినీ దత్తత తీసుకుంటున్నాడు మైసూర్‌కు చెందిన ఆయుబ్‌ అహ్మద్‌ అనే 38 ఏళ్ల వ్యక్తి. అందరూ ఇతడిని ముద్దుగా ‘బాడీ మియాన్‌’ అని పిలుస్తుంటారు. అనాథ శవాలకు అంత్యక్రియలు జరిపించి ‘మానవసేవే.. మాధవ సేవ’ అనే మాటను ఆచరించి చూపిస్తున్నాడు. ఒకటి, రెండేళ్లు కాదు.. గత 19 సంవత్సరాలుగా ఆయన దైనందిన జీవితంలో ఇది భాగమైపోయింది.

శవాలను ఏం చేస్తాడంటే.. అనాథ శవాలను ఆయుబ్‌ తనబంధువుల్లా భావిస్తాడు. సొంత కారులోనే శ్మశానానికి తీసుకెళ్లి అంత్యక్రియలు నిర్వహిస్తాడు. ఎక్కడైనా శవంకనిపిస్తే.. అక్కడి ఆధారాలతో వారి బంధువులకు సమాచారంఅందించి, శవాన్ని వారికి అప్పగిస్తాడు. లేదంటే సదరు ఫొటోను తన ఫేస్‌బుక్‌ పేజీలో పోస్టు చేస్తాడు. దానిని గుర్తించిన వారు అతడికి ఫోన్‌ చేస్తారు. ఇప్పటి వరకు దాదాపు 10,000 మందికి అంత్యక్రియలు నిర్వహించి ఉంటానని ఆయుబ్‌ ఓ పత్రికా సంస్థకు వెల్లడించారు.

ఆ ఆలోచన వచ్చిందిలా.. ఒక రోజు ఆయుబ్‌ మైసూర్‌లోని గుండుల్‌పేట్‌కు వెళుతుండగా హృదయవిదాకరమైన దృశ్యాన్ని చూశాడు. రోడ్డు ప్రమాదంలో ఓ వ్యక్తి ప్రాణాలు కోల్పోయాడు. ఆ శవం చుట్టూ జనం గుమిగూడి ఉన్నారు. దాదాపు 10 గంటల తర్వాత మళ్లీ ఆదే తోవలో వెనక్కి వచ్చి చూస్తే.. శవం అక్కడేఉంది.. జనాలు మాత్రం ఎవరి దారిన వారు వెళ్లిపోయారు.దాంతో ఆయుబ్‌ హృదయం కకావికలమైంది. అప్పటి నుంచి అనాథ శవాలను గుర్తించి వారికి అంత్యక్రియలు చేయడం మొదలు పెట్టాడు. ఏదైనా ప్రమాదం జరిగినపుడు అక్కడికి చేరుకుంటాడు. పోలీసుల విచారణలో అనాథ శవమని తేలిన తర్వాత తన వెంట తీసుకెళ్లి అంత్యక్రియలు చేస్తాడు. కొన్నిసార్లు మృతుల బంధువుల ఇళ్లకు శవాన్ని తీసుకెళ్లి అప్పగిస్తాడు.

కుటుంబ సభ్యుల సహకారంతోనే..
 కేవలం తన తల్లిదండ్రలు, కుటుంబ సభ్యుల సహకారంతోనే ఇలాంటి సాంఘిక సేవా కార్యక్రమాలు చేయగలుగుతున్నాని ఆయుబ్‌ అంటున్నారు. ఇలా చేసినందుకు చాలా సార్లు చీత్కారాలు కూడా ఎదుర్కొన్నాడు. ప్రారంభంలో తన తండ్రి వద్దని మందలిస్తే ఇంటి నుంచి పారిపోయి బెంగళూరులోని ఓ నీటి శుద్ధి కేంద్రంలో పనికి కుదిరాడు. ఆయుబ్‌ పనితనాన్ని, సేవా గుణాన్ని మెచ్చి యజమాని నగదు బహుమతి కూడా ఇచ్చాడు. ఆ సొమ్ముతో లాల్‌బాగ్‌ సందర్శనకు బయలు దేరాడు. అప్పుడు కూడా ఓ అనాథ శవం కనిపిస్తే పోలీసులకు సమాచారం అందించి, వారికి అప్పగించాడు. తిరిగి మైసూరు వచ్చి ఉద్యోగం చేసుకుంటూ తన సేవాకార్యక్రమాన్ని కొనసాగిస్తున్నాడు. ఆయుబ్‌ ఆలోచన..సేవా ధాతృత్వం ఎంత ఉన్నతమైనదో కదూ..!

పొరపాటున డబ్బులు వేరే అకౌంట్ లోకి ట్రాన్స్ఫర్ చేస్తే పరిస్థితి ఏంటి ? ఆ డబ్బులు వెనక్కొస్తాయా ? డబ్బులు వెనక్కి రావాలంటే ఇలా చేయాలి



బ‌్యాంకింగ్ రంగంలో ఒక్కోసారి పొర‌పాట్లు దొర్లుతుంటాయి. అయితే, ఇది డ‌బ్బుతో ముడిప‌డింది కాబ‌ట్టి చాలా జాగ్ర‌త్త కావాలి. ఒకప్పుడు ఎవరికైనా డబ్బు ఇవ్వాలంటే బ్యాంకు బేరర్ చెక్ ఇచ్చేవాళ్లం. కానీ, నేడు దాదాపుగా అందరూ నెట్ బ్యాంకింగ్ ద్వారా ట్రాన్స్‌ఫర్ చేస్తున్నాం. ఎన్ఈఎఫ్టీ, ఆర్టీజీఎస్ మనీ ట్రాన్స్‌ఫర్ సమయాల్లో ఒక్క డిజిట్ తేడా వచ్చినా నగదు వేరే వారి ఖాతాకు బదిలీ అయిపోతుంది. ఒకవేళ వేరే ఖాతాకు బదిలీ అయిపోతే పరిస్థితి ఏంటి? మన నగదు వెనక్కి వస్తుందా? నిబంధనలు ఏం చెబుతున్నాయి? ఒకవేళ పొరపాటుగా భారీ మొత్తంలో నగదు వచ్చి మన ఖాతాలో జమ అయితే… మూడో కంటికి తెలియకుండా ఉంచేసుకోవాలా? లేక బ్యాంకుకు తెలియజేసి నిజాయతీ చాటుకోవాలా?

అకౌంట్ నంబర్, ఖాతాదారుని పేరు, ఐఎఫ్ఎస్‌సీ కోడ్‌తో నెట్ బ్యాంకింగ్‌లో బెనిఫీషియరీ వివరాలను యాడ్ చేసుకుంటామని తెలిసిందే. అకౌంట్ నంబర్, పేరు మ్యాచ్ అవకపోతే లావాదేవీ ఫెయిల్ అవుతుందని చాలామంది అనుకుంటుంటారు. కానీ ఆర్బీఐ మార్గదర్శకాల ప్రకారం నగదు ట్రాన్స్‌ఫర్‌కు ఖాతా నంబరే ముఖ్యం. ఖాతాదారుని పేరు, ఐఎఫ్ఎస్సీ నంబర్ అనేవి బ్యాంకు తరఫున చెక్ చేసుకునేందుకు ఇచ్చే అదనపు సమాచారం మాత్రమే. ప్రతీ లావాదేవీ సమయంలో ఖాతాదారుని పేరు, ఐఎఫ్ఎస్సీ కోడ్‌ను కూడా మ్యాచ్ చేసి చూడాలని ఆర్బీఐ బ్యాంకులకు సూచించింది. కానీ ఇది సూచన మాత్రమే. తప్పనిసరి కాదు.

జమ చేసేవారిదే బాధ్యత - ఆర్బీఐ మార్గదర్శకాలు ఏం చెబుతున్నాయంటే… ఖాతా నంబర్, ఖాతాదారుని పేరు, నగదు మొత్తం సహా అన్ని వివరాలను ఒకటికి రెండుసార్లు చెక్ చేసుకోవాల్సిన బాధ్యత నగదు పంపిస్తున్నవారి పైనే ఉంటుంది. పొరపాటుగా వెళ్లి ఆ నగదు వేరొకరి ఖాతాలో జమ అయితే బాధ్యత అవతలి వారిపై ఉండదు. ఇలా పొరపాటుగా పంపించిన వారు తిరిగి తమ నగుదును వెనక్కి పొందడం అన్నది చాలా కష్టమైన ప్రక్రియ.

ఎందుకంటే… మనీ ట్రాన్స్‌ఫర్ సమయంలో ఖాతా వివరాలను చెక్ చేసుకోవాల్సిన బాధ్యత పంపించే వారిపైనే ఉంటుంది. అయితే, పొరపాటుగా వేరొక ఖాతా నంబర్ ఎంటర్ చేసినట్టయితే నిజానికి ఆ నంబర్ పైన ఎలాంటి ఖాతా లేకుంటే మాత్రం ఆ నగదు వెనక్కి వస్తుంది. ఒక్కోసారి ఐఎఫ్ఎస్సీ కోడ్లో తప్పు ఉన్నా లావాదేవీ ఫెయిల్ అయ్యి నగదు వెనక్కి వచ్చే అవకాశం ఉంటుంది. ఇలా ఫెయిల్ అయిన లావాదేవీల నగదును బ్యాంకులు తిరిగి ఖాతాలో జమ చేస్తాయి. ఒక్కోసారి ఆర్టీజీఎస్ సస్పెన్స్ అకౌంట్లో కూడా ఉంచవచ్చు. అప్పుడు ఖాతాదారులే స్వయంగా ఫిర్యాదు ద్వారా క్లెయిమ్ చేసుకోవాల్సి ఉంటుంది.

పొరపాటుగా పంపిస్తే పరిష్కారం ఏంటి ? 
ఒకవేళ పొరపాటుగా వేరే ఖాతా నంబర్‌కు నగదు వెళ్లినట్టు గుర్తిస్తే వెంటనే బ్యాంకుకు సమాచారం అందించాలి. అప్పుడు బ్యాంకు సిబ్బంది బెనిఫీషియరీతో మాట్లాడి జరిగిన తప్పిదాన్ని వివరిస్తారు. పొరపాటుగా జమ అయిన ఆ మొత్తాన్ని రివర్ట్ చేసుకునేందుకు అనుమతి కోరతారు. వారు సరేనంటే సమస్య పరిష్కారమైనట్టే. ఒకవేళ మీ సొంత బ్యాంకు శాఖ మేనేజర్ సరిగా స్పందించకుంటే ఆ నగదు పొరపాటుగా క్రెడిట్ అయిన బ్యాంకు శాఖను సంప్రదించాలి. అకౌంట్ స్టేట్‌మెంట్, పాస్‌బుక్, ఐడీ, అడ్రస్ ప్రూఫ్ అన్నీ వెంట తీసుకెళ్లి జరిగిన సందర్భాన్ని వివరించడం ద్వారా సాయం పొందవచ్చు. కానీ, కొంతమంది మాత్రం డబ్బును వెనక్కి ఇచ్చేందుకు ఒప్పుకోరు. అప్పటికే ఖర్చు కూడా చేసి ఉంటారు. ముఖ్యంగా ఎక్కువ మొత్తాల్లో ఉన్నప్పుడు ఇలాంటి పరిస్థితులు ఎదురవుతుంటాయి. ఖాతాదారుడు డ్రా చేసుకున్న తర్వాత అప్పుడు బ్యాంకులు కూడా ఏమీ చేయలేవు. పొరపాటుగా పంపిన వారికి నగదు వెనక్కి రావడం దుర్లభం.

అయినా మీకు న్యాయం లభించకుంటే - న్యాయపరమైన ప్రక్రియను అనుసరించడమే మిగిలి ఉన్న మార్గం. కానీ న్యాయవ్యవస్థ ద్వారా పరిష్కారం అంటే ధన వ్యయం, కాల వ్యయంతో కూడుకుని ఉంటుందన్న విషయాన్ని ముందుగానే తెలుసుకోవాలి. పైగా కోర్టులో లావాదేవీ మీ తప్పిదం కారణంగానే జరిగిందని నిరూపించుకోవాల్సి ఉంటుంది.

ఒకవేళ మీ ఖాతాలోనే పొరపాటుగా నగదు జమ అయితే?- పైన చెప్పుకున్నట్టు మీ ఖాతాకు వేరెవరో పొరపాటుగా నగదు జమ చేస్తే ఇవ్వడం, ఇవ్వకపోవడం అన్నది మీ ఇష్టమే. కానీ, పంపిన వారు కోర్టును ఆశ్రయిస్తే అప్పుడు సమాధానం చెప్పుకోవాల్సి ఉంటుంది. జమ ఎవరి నుంచి, ఎందుకు వచ్చిందన్న వివరాలు ఇవ్వాల్సి ఉంటుంది. ఒకవేళ సమర్పించలేకపోతే నగదును వెనక్కి తిరిగి ఇవ్వడంతోపాటు జైలు శిక్షను కూడా ఎదుర్కోవాల్సి వస్తుంది. నగదు మీదే అని చెబితే ఆదాయపన్ను కట్టాల్సి ఉంటుంది. రూ.50 వేలకు మించి నగదు లావాదేవీలపై ఆదాయపన్ను శాఖ యంత్రాంగం కన్నేసి ఉంచింది. వారు నోటీసు ఇస్తే సమాధానం చెప్పుకోవాల్సి వస్తుంది.

నగదు పంపే ముందు ఇలా చేస్తే బెటర్! - మనవైపు పొరపాటు ఉంచుకుని నెపం బ్యాంకులపైన, మన నగదును అందుకున్న అజ్ఞాత వ్యక్తిపైన మోపితే లాభం లేదు. ముందు జాగ్రత్తలు అవసరం. నెట్ బ్యాంకింగ్ లావాదేవీలకు సంబంధించి బెనిఫీషియరీ ఖాతా నంబర్, ఐఎఫ్ఎస్సీ నంబర్లను యాడ్ చేసుకునే సమయాల్లో ఒకటికి రెండుసార్లు క్రాస్ చెక్ చేసుకోవాలి. సాధారణంగా ఖాతా నంబర్‌ను ఎడమవైపు నుంచి కుడి వైపునకు చదవడం మనకు అలవాటు. అయితే, నగదు లావాదేవీల సమయంలో ఖాతా నంబర్లను ఒకసారి కుడిచేతి వైపు నుంచి ఎడమవైపునకు చదివి క్రాస్ చెక్ చేసుకోవడం మంచి విధానం. దీనికంటే ఉత్తమమైనది ఏమంటే…? ముందు అకౌంట్ డిటైల్స్ యాడ్ చేసుకుని ఎన్ఈఎఫ్టీ లావాదేవీలో కేవలం ఒక రూపాయిని మాత్రమే మొదటిసారి ట్రాన్స్ ఫర్ చేసి చూడాలి. అది అవతలి వ్యక్తి ఖాతాను చేరిందా? లేదా? చూసుకుని అప్పుడు అసలు మొత్తాన్ని కావాలనుకుంటే ఎన్ఈఎఫ్టీలోనూ లేదంటే ఆర్టీజీఎస్ లోనూ పంపించుకుంటే సరి.

ఉదయాన్నే పరగడుపున ఒకే ఒక్క గ్లాస్ మజ్జిగలో ఇవి కలిపి తాగండి ఎలాంటి పొట్టైనా, శరీరంలో అధికంగా ఉండే కొవ్వయినా సులువుగా కరుగుతుంది

చాలా మంది ఉదయం నిద్ర లేవగానే తమ దిన చర్యను బెడ్ కాఫీ లేదా టీ తో మొదలు పెడతారు. కానీ అలా చేయకూడదు. ఉదయాన్నే పరగడుపున వాటిని తాగితే ఆరోగ్యం కలగకపోగా పలు అనారోగ్య సమస్యలు వస్తాయి. ముఖ్యంగా జీర్ణ సమస్యలు వస్తాయి. అయితే వాటికి బదులుగా ఒక గ్లాస్ మజ్జిగను ఉదయాన్నే పరగడుపున తాగితే దాంతో ఎంతో మేలు కలుగుతుంది. ఇలా మజ్జిగ తాగడం వల్ల మనకు ఎలాంటి లాభాలు కలుగుతాయో ఇప్పుడు తెలుసుకుందాం. 

మజ్జిగలో ప్రొబయోటిక్ బాక్టీరియా ఉంటుంది. అందువల్ల ఉదయాన్నే పరగడుపున మజ్జిగ తాగితే జీర్ణ సమస్యలు మాయమవుతాయి. ముఖ్యంగా కడుపులో మంట, అసిడిటీ, గ్యాస్, అల్సర్ సమస్యలు ఉన్నవారు ఇలా తాగుతుంటే కేవలం కొద్ది రోజుల్లోనే వచ్చే మార్పును గమనించవచ్చు.
ఉదయాన్నే పరగడుపున మజ్జిగ తాగడం వల్ల జీర్ణాశయం, పేగులు శుభ్రమవుతాయి. వాటిల్లో ఉండే హానికారక క్రిములు, బాక్టీరియా నశిస్తాయి. మంచి బాక్టీరియా పెరుగుతుంది. ఇది అజీర్తి, మలబద్దకం సమస్యలను దూరం చేస్తుంది.
మజ్జిగలో రెండు మూడు కరివేపాకు ఆకులు, అర టీస్పూన్ మిరియాల పొడి కలిపి తాగితే ఎలాంటి పొట్టైనా, శరీరంలో అధికంగా ఉండే కొవ్వయినా సులువుగా కరుగుతుంది. షుగర్ లెవల్స్ కంట్రోల్ అవుతాయి.
ఉదయాన్నే పరగడుపునే కాదు, భోజనం చేశాక అసౌకర్యంగా ఉంటే ఒక గ్లాస్ మజ్జిగలో కొద్దిగా అల్లం రసం కలిపి తీసుకుంటే ఉపశమనం కలుగుతుంది. జీర్ణ శక్తి పెరుగుతుంది.
నిత్యం వేడి వాతావరణంలో పని చేసే వారు ఉదయాన్నే పరగడుపున మజ్జిగ తాగి బయటికి వెళితే డీహైడ్రేషన్ బారిన పడకుండా ఉంటారు.
విరేచనాలు అవుతున్న వారు ఉదయాన్నే పరగడుపున మజ్జిగలో అర టీస్పూన్ అల్లం రసం కలిపి తాగాలి. విరేచనాలు తగ్గుముఖం పడతాయి.
హైబీపీ ఉన్నవారు ఉదయాన్నే పరగడుపున గ్లాస్ మజ్జిగ తాగితే ఫలితం ఉంటుంది.

ఈ చిన్న చిట్కాతో నోటిలో అల్సర్స్ మ‌టుమాయం

నోటిలో పుళ్లు ఇవి చాలా మందికి ఒక్కోసారి ఎదురయ్యే సమస్య. కొంతమందికి నెలలో నాలుగు సార్లు అయినా వీటి భారిన పడుతుంటారు. ఇవి వచ్చినప్పుడు భోజనం చేయలేము, మరే ఇతర పదార్ధాలు తినాలన్నా ఎన్నో ఇబ్బందులు ప‌డాల్సి ఉంటుంది. ఉదయాన్నే బ్రష్ చేసుకోవాలంటే కూడా చేసుకోలేని సమస్య కలుగుతుంది. అసలు ఇవి ఏర్పడటానికి కారణం ఏమిటంటే విటమిన్స్ లోపం.

శరీరానికి సరైన స్థాయిలో విటమిన్స్ అందనపుడు ఈ సమస్యలో వస్తాయి. అంతేకాదు అనుకోకుండా కొరుక్కోవడం వల్ల‌ కూడా ఇలా జరుగుతుంది. చిన్న చిన్న చిట్కా లని పాటించడం ద్వారా కూడా వీటిని కంట్రోల్ చేయవచ్చు. గ్లాసు వేడినీటిలో కొత్తిమీర ఆకులు వేసి కొంచం సేపు అయిన తరువాత చల్లార్చి రోజు రెండు సార్లు ఈ రసాన్ని పుక్కిలించాలి. ఎందుకంటే కొత్తిమీరలో యాంటి ఫంగల్ , యాంటిసెప్టిక్ గుణాలు ఉండటం వల్ల‌ సమస్య తగ్గుతుంది.

టమాటా రసాన్ని రోజుకు మూడు నుండీ నాలుగు సార్లు పుక్కిలించి ఉమ్మవచ్చు. అలాగే అరకప్పు గోరువెచ్చని నీటిలో ఒక స్పూన్ బేకింగ్ సోడాని కలిపి ఆ నీటిని పుక్కిలించడం వల్ల‌ కూడా ఉపశమనం కలుగుతుంది. జీర్ణ క్రియ సరిగా లేనప్పుడు కూడా ఈ సమస్య ఎదురవుతుంది. అందుకే తులసి ఆకులు రోజుకి మూడు సార్లు నమిలి తినడం వల్ల‌ ఈ సమస్యలకి దూరంగా ఉండవచ్చు.

Latest Posts