బైక్‌ను ఢీకొన్న కారు.. ముగ్గురు యువకులు మృతి

హైదరాబాద్ : వనస్థలిపురం పోలీస్‌స్టేషన్‌ పరిధిలోని గుర్రంగూడ గేటు సమీపంలో అర్ధరాత్రి ఘోర రోడ్డు ప్రమాదం జరిగింది. బీఎన్‌ రెడ్డి నగర్ నుంచి గుర్రంగూడ గేటు వైపు వెళ్తున్న ద్విచక్ర వాహనాన్ని వెనుక నుంచి కారు ఢీకొట్టింది. దీంతో బైక్ పై వెళ్తున్న ముగ్గురు యువకులు అక్కడికక్కడే మృతి చెందారు. కారు డ్రైవర్ అజాగ్రత్త వల్లే ఈ దుర్ఘటన జరిగినట్లు తెలుస్తోంది. విషయం తెలుసుకున్న వనస్థలిపురం పోలీసులు సంఘటనా స్థలికి చేరుకుని కేసు నమోదు చేసుకుని మృతదేహాలను పోస్ట్‌మార్టం నిమిత్తం ఉస్మానియా ఆసుపత్రికి తరలించారు. మృతులు వంశీ(20), సాయి(20) గుర్రంగూడకు చెందిన విద్యార్థులు కాగా.. వనస్థలిపురానికి చెందిన గణేష్(21) అనే మరో యువకుడు ల్యాబ్‌ టెక్నీషియన్‌గా పనిచేస్తున్నాడు.

నేను సీతను కాకపోవచ్చు.. కానీ పవన్ కల్యాణ్ రావణాసురుడు.. నిరూపిస్తే గొంతుకోసుకొంటా.. శ్రీరెడ్డి

వివాదాస్పద నటి శ్రీరెడ్డి మరోసారి పవన్ కల్యాణ్‌పై భగ్గుమన్నది. తాను చేస్తున్న ఉద్యమాన్ని తొక్కేయడం మెగా ఫ్యామిలీ పనేనని ఆమె ఆరోపించారు. సినీ పరిశ్రమలో మహిళల కోసం ఉద్యమం చేస్తే ఏ వర్గం నుంచి మద్దతు రాలేదనే అభిప్రాయపడ్డారు. సినీ వర్గాలను కూడా శ్రీరెడ్డి తప్పుపట్టారు. తాజా ఇంటర్వ్యూలో శ్రీరెడ్డి వెల్లడించిన విషయాలు మీ కోసం.. అన్యాయానికి గురవుతున్న ఎంతో మంది మహిళల కోసం నేను చేసిన మీ టూ ఉద్యమాన్ని ఉద్దేశపూర్వకంగా తొక్కేశారు. కేవలం పవన్ కల్యాణ్‌ను మాXX చోX అని తిట్టడాన్ని ఆధారంగా తీసుకొని నా ఉద్యమాన్ని నాశనం చేశారు. మహిళను తిట్టారని నన్ను టార్గెట్ చేసిన వాళ్లు ద్వంద ప్రమాణాలను పాటిస్తున్నది. కేవలం నా ఉద్యమాన్ని తొక్కేశారు.

ఒకవేళ నేను పవన్ కల్యాణ్ బూతులు తిట్టడం తప్పైతే మరి జనసేన అధికార ప్రతినిధి అద్దెపల్లి శ్రీధర్‌ ఓ టీడీపీ నాయకురాలిని బహెన్ చోద్ అని తిట్టడం సమంజసమేనా? మీ పార్టీ నాయకుడు మహిళను తిట్టడం కరెక్టేనా? జనసేన నేతే స్వయంగా మహిళలపై దారుణంగా కామెంట్లు చేయడం సరైనదేనా అని శ్రీరెడ్డి అన్నారు. నేను తిట్టిన తిట్టును దృష్టిలో పెట్టుకొని ఆ రోజు ఫిలిం ఛాంబర్‌లో హంగామా చేశారు. పవన్ కల్యాణ్ ఓ రావణసూరిడి మాదిరిగా కనిపించారు. నేను సీతను కాకపోవచ్చు. కానీ పవన్ కల్యాణ్ రావణాసురుడిగా భావిస్తాను. మీకొక న్యాయం.. ఇతరులకు ఓ న్యాయమా అని శ్రీరెడ్డి అన్నారు.

సినిమా ఇండస్ట్రీలో కమిట్‌మెంట్ ఉంటుందనేది అందరికీ తెలుసు. సినిమా పరిశ్రమలో మహిళలకు జరుగుతున్న అన్యాయాన్ని ఎవరూ పట్టించుకోరు. ఓ మహిళ చేస్తున్న ఉద్యమానికి ఎందుకు విలువ ఇవ్వరు. నేను నా కోసం, నా కుటుంబం కోసం చేయలేదే? సినిమా పరిశ్రమలో మహిళల కోసం చేస్తుంటే బాధ్యతగా వహించరు. మహిళా నటుల మానం, ప్రాణం సినీ పెద్దలకు ముఖ్యం కాదు. దగ్గుబాటి కుటుంబానికి నేను పెట్టిన శాపం వల్లే ఆ ఫ్యామిలీ చాలా కష్టాలు పడుతున్నది. రానా ఆరోగ్యం విషయంలో ఆ కుటుంబం చనిపోయినంత పనైంది. ఇప్పుడిప్పుడు రానా ఆరోగ్యం బాగుపడింది. లేకపోతే రానా ఒంట్లో బాగలేక చాలా ఆ కుటుంబం అనేక బాధలు పడింది. మళ్లీ ఆ ఫ్యామిలీని మళ్లీ చంపదలచుకోలేదు. అభిరామ్‌ను ఇక్కడ ఉండనీయకుండా ఎక్కడికో పంపించారు. నేను దగ్గుబాటి వద్ద డబ్బులు తీసుకొన్నారడంలో వాస్తవం లేదు. నేను కేసులు పెట్టుకుంటే పోతే వేల మంది ఉంటారు. నాకు అన్యాయం చేసిన వారిపై కేసులు పెట్టడం నా ఉద్దేశం కాదు. నాకు జరిగిన అన్యాయానికి తెలంగాణ ప్రభుత్వం సుమోటోగా కేసు పెట్టాలి. కానీ అలా జరుగలేదు. నేను డబ్బులు తీసుకొని తమిళనాడుకు వెళ్లిపోయారని ఎవరైనా నిరూపిస్తే మీడియా ముందు బట్టలు విప్పినట్టుగానే మీడియా ముందు గొంతు కోసుకొంటాను అని శ్రీరెడ్డి అన్నారు.

ఇక ఏటీఎం కార్డు లేకుండానే డ‌బ్బులు డ్రా చేసుకోవ‌చ్చు

భారతీయ స్టేట్ బ్యాంకు (ఎస్‌బీఐ) తమ ఖాతాదారులకు శుభవార్త చెప్పింది. ఎస్‌బీఐ డిజిటల్ ప్లాట్‌ఫాం యోనోపై కొత్తగా ‘యోనో క్యాష్’ను అందుబాటులోకి తీసుకొచ్చింది. ఈ క్యాష్‌తో దేశవ్యాప్తంగా 16,500కుపైగా ఎస్‌బీఐ ఏటీఎం సెంటర్లలో కార్డు అవసరం లేకుండానే క్యాష్ విత్ డ్రా చేసుకునే అవ‌కాశం క‌ల్పించింది. ఇటువంటి పద్ధతిని దేశంలోనే తొలిసారిగా ప్ర‌వేశ‌పెట్టిన సంస్థ ఎస్‌బీఐ. యోనో క్యాష్ సదుపాయం ఉన్న ఏటీఎంలను ‘యోనో క్యాష్ పాయింట్’గా వ్యవహరించనున్నారు. వినియోగదారులు ఈ పాయింట్‌లోకి వెళ్లిన తర్వాత కార్డు రహిత విత్‌డ్రాను ఎంచుకోవాల్సి ఉంటుంది. ఆ తర్వాత ఆరు అంకెల యోనో క్యాష్ పిన్ సెట్ చేసుకోవాలి. అనంతరం ఖాతాదారుడి మొబైల్‌కు ఎస్సెమ్మెస్ ద్వారా వచ్చిన ఆరు అంకెల రిఫరెన్స్ నంబరును ఎంటర్ చేయడం ద్వారా నగదును విత్‌డ్రా చేసుకోవచ్చు. అయితే, ఈ పని 30 నిమిషాల్లోగా పూర్తిచేయాల్సి ఉంటుందని ఎస్‌బీఐ వివ‌రించింది.

వైఎస్‌ వివేకాది హత్యే! పోస్టుమార్టం నివేదికలో వెల్లడి

మాజీ మంత్రి వైఎస్‌ వివేకానంద రెడ్డిది హత్యేనని పోలీసులు ప్రాథమికంగా నిర్ధారించారు. ఆయన హత్యకు గురైనట్టు పోస్టుమార్టం నివేదికలో వెల్లడైనట్టు పోలీసులు తెలిపారు. కొద్ది సేపటి క్రితమే కడపలోని రిమ్స్‌ వైద్యులు పోస్టుమార్టం పూర్తిచేయడంతో ఆయన భౌతికకాయాన్ని పులివెందులకు తరలించారు. ఆయన శరీరంలో ఏడు చోట్ల బలమైన గాయాలు ఉన్నట్టు వైద్యులు వెల్లడించారు. తలలో రెండు వైపులా కత్తితో పొడిచిన గాయాలు ఉన్నాయని, అలాగే, ఛాతి, చేతిపైనా కత్తిపోట్లు ఉన్నట్టు తెలిపారు. మొత్తంగా శరీరంపై ఏడు చోట్ల కత్తి పోట్లు ఉన్నాయని స్పష్టంచేశారు.

వివేకానంద రెడ్డి శుక్రవారం ఉదయం పులివెందులలోని తన నివాసంలో రక్తపు మడుగులో పడి ఉండటంతో ఆయన కుటుంబ సభ్యులు పలు అనుమానాలు వ్యక్తంచేశారు. దీంతో రాష్ట్ర ప్రభుత్వం ప్రత్యేక దర్యాప్తు బృందం ఏర్పాటు చేసింది. హత్య కోణంలోనే పోలీసులు దర్యాప్తును వేగవంతం చేస్తున్నారు. పులివెందులలో వివేకా నివాసానికి వెళ్లిన ఎస్పీ రాహుల్‌ దేవ్‌ శర్మ సుమారు రెండు గంటల పాటు ఘటనా స్థలాన్ని పరిశీలించారు. పోస్టుమార్టం నివేదిక వచ్చిన తర్వాత దీన్ని హత్యగా నిర్ధారణకు వచ్చినట్టు తెలుస్తోంది. మరోవైపు, వివేకా మరణం హత్యగా తేలడం సంచలనంగా మారింది. ఎవరు హత్య చేశారు? ఎందుకు చేశారు? దీనిలో కుట్ర కోణాలేంటనే దానిపై పోలీసులు దర్యాప్తు ముమ్మరం చేశారు. ఈ దారుణానికి ఎవరు పాల్పడ్డారనేది తేల్చేందుకు అన్ని కోణాల్లో దృష్టిసారిస్తున్నారు. పులివెందులలోని వివేకా నివాసానికి వైఎస్‌ విజయమ్మ చేరుకొని కుటుంబ సభ్యులను ఓదార్చారు. ఆమె బోరున విలపించారు. ఇప్పటికే వైకాపా కార్యకర్తలు, అభిమానులు భారీ సంఖ్యలో తరలివచ్చారు. వైకాపా అధినేత జగన్‌ ఈ సాయంత్రం పులివెందులకు చేరుకోనున్నారు.

వివేకా హత్యపై.. మీడియాతో జగన్ మాట్లాడటానికి పది నిమిషాల ముందు..

దారుణ హత్యకు గురైన మాజీ మంత్రి వైఎస్‌ వివేకానందరెడ్డి పేరిట ఓ లేఖ పెద్ద దుమారం తీసుకువస్తోంది. కారు డ్రైవరు ప్రసాద్‌ తనను చచ్చిపోయేట్లు కొట్టాడని వివేకా పేరుతో రాసిన లేఖను ఆయన బంధువులు శుక్రవారం సాయంత్రం పోలీసులకు అందించారు. ఇదే లేఖపై జగన్‌ స్పందిస్తూ గొడ్డలితో నరికి ప్రాణాలతో కొట్టుమిట్టాడుతన్న వ్యక్తి ఎలా ఈ లేఖ రాయగలుగుతారని ప్రశ్నించారు. కారు డ్రైవరు ప్రసాద్‌, రాజారెడ్డి హత్య కేసులో నిందితుడు ఆర్‌.సుధాకర్‌రెడ్డిలను పోలీసులు అదుపులోకి తీసుకుని దర్యాప్తు చేస్తున్నట్లు సమాచారం. ఈ లేఖను పోలీసులు ఫోరెన్సిక్‌ ల్యాబ్‌కు పంపి అసలు వైఎస్‌ వివేకానే ఈ లేఖ రాశాడా అన్న కోణంలో దర్యాప్తు చేస్తున్నారు. గురువారం రాత్రి 11.30గంటలకు కారు డ్రైవరు ప్రసాద్‌ వివేకాను ఆయన నివాసంలో వదలి వెళ్లిపోతుండగా భోజనానికి డబ్బులివ్వగా తాను ఇంట్లోనే భోంచేస్తానని వెళ్లిపోయాడు. ఉదయం 5.30 గంటలకు పీఏ కృష్ణారెడ్డి వచ్చారు. 6.30గంటల ప్రాంతంలో వాచ్‌మేన్‌ వెనుక వైపు తలుపు తీసిన విషయాన్ని గుర్తించి కృష్ణారెడ్డికి వివరించారు. ఇద్దరూ వెళ్లి చూడగా బాత్‌రూంలో వివేకా విగత జీవుడై కనిపించాడు. అప్పుడే గుండెనొప్పితో కుప్పకూలిపోయి దెబ్బలు తగలడంతో రక్తస్రావమై వివేకా చనిపోయాడని బంధువులే పప్రాథమికంగా నిర్ధరించారు. బెడ్రూములో రక్తపు మరకలను కడిగేసినట్లు పోలీసులు గుర్తించారు.

పోలీసులకు 6.40 గంటలకు సమాచారం రావడంతో సీఐ శంకరయ్య సంఘటన స్థలానికి చేరే సమయానికే రక్తాన్ని తుడుస్తూ కనిపించడంతో ఆయన ఇలా చేయకూడదంటూ అడ్డు తగిలారు. పోస్టుమార్టం నిర్వహించే వరకు అందరిలోనూ హఠాన్మరణం చెందినట్లుగా ప్రచారం సాగుతూ వచ్చింది. డాక్టర్లు పోస్టుమార్టం చేసేందుకు మృతదేహాన్ని పరిశీలించినప్పుడు తలపై బలమైన గాయాలు, ఒళ్లంతా గొడ్డలితో నరికిన గాట్లు కనిపించాయి. అప్పుడే హత్యకు గురైన సంఘటన వెలుగులోకి వచ్చింది. సాయంత్రం వరకు హైడ్రామా కొనసాగుతూ వచ్చింది. డీఐజీ, ఎస్పీతో పాటు క్లూస్‌టీం, జాగిలాలు తదితర విచారణ బృందాలన్నీ తరలివచ్చాయి. అనుమానాస్పద మృతిగా మొదట పోలీసులు కేసు నమోదు చేసి దర్యాప్తు ప్రారంభించారు. కానీ హత్య జరిగినట్లుగా పోస్టుమార్టం సమయంలోనే తేలింది. ఈ హత్య వెనుక ఎవరున్నారు, ఎందుకు జరిగింది, ఏవైనా ఆర్థిక లావాదేవీలా, కుటుంబ కలహాలా, లేదా ఇతర వ్యవహారాలా అన్న చర్చ జోరుగా సాగుతూ వచ్చింది. 5గంటలకు జగన్‌ పులివెందులకు విచ్చేసి వివేకా భౌతికకాయాన్ని సందర్శించి నివాళులర్పించారు. గంట తరువాత మీడియా సమావేశం నిర్వహించారు. ఈ సమావేశానికి పది నిమిషాల ముందు వివేకానందరెడ్డి బంధువులు డీఎస్పీ నాగరాజును కలిసి ఇంట్లో ఈ లేఖ దొరికిందంటూ ఓ లేఖ అందించారు. ఆ లేఖలో రక్తపు మరకలు ఉన్నాయి.

‘నా డ్రైవరు నేను డ్యూటీకి తొందరగా రమ్మన్నానని చచ్చేలా కొట్టినాడు. ఈ లెటరు రాసేకి చాలా కష్టపడ్డాను. డ్రైవరు ప్రసాద్‌ను వదలి పెట్టవద్దు. ఇట్లు వివేకానందరెడ్డి’ అని ముగింపు పలికారు. ఈ లెటరు అందుకున్న పోలీసులు కారు డ్రైవరు ప్రసాద్‌ను అదుపులోకి తీసుకున్నారు. పులివెందులకు చెందిన ప్రసాద్‌ ఒకటిన్నర నెలగా కారు డ్రైవరుగా వివేకాకు సేవలందిస్తున్నాడు. గురువారం రాత్రి 11.30కు ఇంటి వద్ద వదలిన ప్రసాద్‌ తిరిగి ఎప్పుడొచ్చాడన్నది అంతుచిక్కని ప్రశ్న. జగన్‌ చెప్పినట్లు గొడ్డలితో దారుణంగా నరకడంతో తీవ్ర గాయాలపాలైన వివేకా లెటరు రాసే పరిస్థితిలో ఉన్నాడా అనేది సందేహమే. మరి వివేకా బంధువులే ఈ లెటరును తీసుకువచ్చి పోలీసులకు అందించడం వెనుక అంతరార్థం ఏమిటన్నది పోలీసుల విచారణలో తేలాల్సి ఉంది. ఉదయం గుండెనొప్పితో చనిపోయారని చెప్పడం, ఆ తరువాత పోస్టుమార్టానికి తరలించే సమయంలోనే గొడ్డలితో నరికినట్లు గుర్తించారు.

బెడ్‌రూంలో ఉన్న రక్తపు మరకలు తుడవడం ఇవన్నీ కూడా పోలీసులు వచ్చే లోపే వ్యవహరించడం పలు అనుమానాలకు తావిస్తోంది. వైఎస్‌ రాజారెడ్డి హత్యలో ముద్దాయిగా జైలు జీవితం అనుభవించి ఇటీవలే విడుదలైన రాగిపిండి సుధాకర్‌రెడ్డికి ఈ హత్యలో ప్రమేయం ఉందన్న ఆలోచనలతో పోలీసులు ఆయనను అదుపులోకి తీసుకుని విచారిస్తున్నారు. కాగా పోలీసులే డ్రామా ఆడుతున్నారంటూ హత్యను గుండెనొప్పితోనే చనిపోయాడని సృష్టించే ప్రయత్నం జరిగిందని, ఈ ప్రభుత్వం ఈ పోలీసులపై నమ్మకం లేదని జగన్‌ ఆరోపిస్తూ సీబీఐ లేదా థర్డ్‌ పార్టీతో విచారణ జరిపించాలని డిమాండ్‌ చేశారు. పోలీసులు ఈ కేసును సవాల్‌గా తీసుకుని దర్యాప్తు ముమ్మరం చేశారు. కర్నూలు డీఐజీ, జిల్లా ఎస్పీలు పర్యవేక్షిస్తూ అన్ని కోణాల్లో దర్యాప్తు సాగిస్తున్నారు. ఒకటి, రెండురోజుల్లో ఈ హత్య వెనుక ఉన్నది ఎవరు, ఎందుకు జరిగింది అన్నది తేలనుంది. సంఘటట జరిగి వెలుగులోకి వచ్చిన 12 గంటల తరువాత లేఖను బయట పెట్టి వివేకా రాసినట్లుగా చెప్పడంలో కూడా ఏదో మతలబు దాగి ఉందని పోలీసులు పేర్కొంటున్నారు.

ఆహా… వివేకా హత్యను డైవర్ట్ చేసే సూపర్ ఎత్తుగడ… ఏమిటది..?!

అనుకున్నట్టుగానే వైఎస్ వివేకా హత్య కేసు మలుపులు తిరుగుతున్నది… ఇప్పుడు వాళ్లో వీళ్లో కాదు, ఏకంగా జగనే స్పందించాడు… తన అనుమానాలు వ్యక్తం చేశాడు, సీబీఐ విచారణ కోరాడు… ఇప్పటికీ తెలుగుదేశం ముఖ్య నేతల నుంచి ఇంకా ఎదురుదాడి లేదు, సమర్థన లేదు, ఏ ప్రకటనలూ లేవు… జగన్ చెప్పిన వివరాలు కేసులో కొన్ని ట్విస్టులను చెబుతున్నాయి… అందరూ అనుకుంటున్నట్టు వివేకా బాత్రూంలో హత్యకు గురికాలేదు… జగన్ ఏమంటున్నాడంటే..? ‘‘బెడ్రూంలో తనను హతమార్చారు… గొడ్డలితో నరికారు… బాత్రూంలో కమోడ్‌పై పడి, దెబ్బలు తగిలి, రక్తం కారిపోయి చనిపోయినట్టు ఏదో సీన్ క్రియేట్ చేయాలనుకున్నారు… కానీ కుదర్లేదు… డ్రైవర్ పేరుతో ఓ లేఖ చూపిస్తున్నారు… వివేకా చనిపోతూ ఈ లేఖ రాశాడని చెబుతున్నారు… అంతా హంబగ్… ఇది రాజకీయ హత్యే…. ఆ హంతకుల సమక్షంలో బాబాయ్ ఈ లేఖ రాశాడా..? ఎవరో ఈ పనిని డ్రైవర్ చేసినట్టుగా పోలీసులు ఈ కేసును డైవర్ట్ చేస్తున్నారా..? నా కళ్ల ముందే పోలీసులు నానా డ్రామాలూ ఆడుతున్నారు… ఇంటలిజెన్స్ వెంకటేశ్వర్రావు పదే పదే ఫోన్లు చేస్తున్నాడు… ఇది క్రూరమైన హత్య…’’ అని జగన్ చెప్పాడు…

వైఎస్ మరణంపైనా దర్యాప్తు చేసింది సీబీఐ మాజీ జేడీ లక్ష్మినారాయణే అని కూడా జగన్ గుర్తుచేశాడు… లక్ష్మినారాయణ అంటే పక్కా చంద్రబాబు మనిషే అని అందరికీ తెలుసు… జగన్ అక్రమాస్తుల కేసులో కక్ష కట్టినట్టుగా వేధించి, పత్రికలకు లీకులిచ్చి, జనంలోకి విషప్రచారాన్ని పంపించిదీ తనే… అందుకని తనకు అనుమానాలు మరింత పెరిగాయని జగన్ అంటున్నాడు… బెడ్రూంలోనే చంపేసి, బాత్రూంలోకి తీసుకెళ్లి ఓ సహజ మరణంగా చిత్రీకరించే ప్రయత్నం చేశాడనీ జగన్ చెబుతున్నాడు… ‘‘మా తాతను చంపేశారు, విశాఖ ఎయిర్‌పోర్టులో నన్నూ చంపాలనుకున్నారు, ఇప్పుడు మా బాబాయ్‌ని చంపేశారు, కచ్చితంగా వీటి వెనుక చంద్రబాబు హస్తం ఉంది’’ అని జగన్ కుండబద్ధలు కొట్టేశాడు… అవినాష్ రెడ్డే దీనికి కారణం అన్నట్టుగా మధ్యాహ్నం నుంచీ ఆదినారాయణరెడ్డి సహా తెలుగుదేశం నేతలు పలువురు, ఆ పార్టీ వాయిస్ ఆంధ్రజ్యోతి నానారకాలుగా జనంలోకి ప్రచారాన్ని తీసుకెళ్తున్నాయి…

జగన్ సీబీఐ విచారణ కోరాడు సరే, కానీ ఏపీ ప్రభుత్వం సీబీఐ రాకను, దర్యాప్తును నిషేధిస్తూ ఆల్ రెడీ ఓ నిర్ణయం తీసుకున్నది… ఏపీ పోలీసులు చంద్రబాబు కనుసన్నల్లో సరైన దర్యాప్తు చేస్తారనే నమ్మకం ఎవరికీ లేదు… తన మీద హత్యాప్రయత్నం కేసునే జగన్ హైదరాబాదు పోలీసులకు ఫిర్యాదు చేశాడు, మొన్నటి జయరాం హత్య కేసులోనూ అంతే… పైగా ఏపీ డీజీపీ ఠాకూర్ వ్యవహారశైలిపై వైసీపీ ఇప్పటికే ఎన్నికల కమిషన్‌కు కూడా ఫిర్యాదు చేసింది… ఇప్పుడు తాజాగా వివేకా హత్య… మరి దీన్ని ఎవరు దర్యాప్తు చేయాలి ఇక..?!

పబ్‌జీపై పోలీసుల ఉక్కుపాదం.. అరెస్టుల పర్వం

 
రాజ్‌కోట్: పబ్‌జీ గేమ్‌కు వెర్రెత్తిపోయిన యువత దాని బారినపడి ప్రాణాలు కోల్పోతుండడంతో చాలా రాష్ట్రాలు ఈ గేమ్‌ను నిషేధించాయి. అలా నిషేధించిన రాష్ట్రాల్లో గుజరాత్ కూడా ఒకటి. అయితే, గుజరాత్ పోలీసులు ఈ గేమ్‌ను నిషేధించి తమ పని అయిపోయిందని చేతులు దులిపేసుకోలేదు. రహస్యంగా ఈ గేమ్ ఆడుతున్న వారి పని పడుతున్నారు. దొరికిన వారి తాట తీస్తున్నారు. పబ్‌జీ గేమ్ ఆడుతూ రాజ్‌కోట్‌లో ఇప్పటి వరకు పదిమంది వరకు పోలీసులకు పట్టుబడ్డారు. దర్యాప్తులో భాగంగా వారి నుంచి మొబైల్స్‌ను స్వాధీనం చేసుకున్నారు. పట్టుబడిన వారి పరిస్థితి మరీ ఘోరం. గేమ్‌లో మునిగిపోయిన వారు పోలీసులు వస్తున్న విషయాన్ని కూడా గుర్తించలేని స్థితిలో ఉండడం గమనార్హం.

పబ్‌జీ గేమ్ ఆడుతున్న వారిని పట్టుకునేందుకు ఎస్సై ఎన్‌డీ దామోదర్ ఆధ్వర్యంలో స్పెషల్ డ్రైవ్ నిర్వహించారు. ఈక్రమంలో టీస్టాల్, ఫాస్ట్‌‌ఫుడ్ సెంటర్ల వద్ద ఈ గేమ్ ఆడుతున్న ఆరుగురిని అదుపులోకి తీసుకున్నారు. వారి ఫోన్లను పరిశీలించగా గేమ్ రన్నింగ్‌లో ఉన్నట్టు గుర్తించారు. దీంతో వారిని అదుపులోకి తీసుకున్నారు. అనంతరం వారిని కోర్టులో ప్రవేశపెట్టగా బెయిలుపై విడుదలైనట్టు రాజ్‌కోట్ పోలీస్ ఇన్‌స్పెక్టర్ వీఎస్ వంజారా తెలిపారు. ఈ నెల 6న ప్రభుత్వం పబ్‌జీ మొబైల్, మోమో చాలెంజ్‌లను నిషేధిస్తూ ఆదేశాలు జారీ చేసింది.

ఐపీఎల్‌ 2019: సిక్స్‌తో మొదలుపెట్టిన యువరాజ్‌

ముంబయి: క్రికెట్‌లో ఐపీఎల్‌కి ఉన్నంత క్రేజ్‌ మరే ఇతర ఈవెంట్‌లకు లేదనడంలో ఎలాంటి సందేహం లేదు. మరికొద్ది రోజుల్లో ప్రారంభంకానున్న ఐపీఎల్‌ కోసం యావత్‌ క్రికెట్‌ ప్రేమికులు ఆసక్తిగా ఎదురుచూస్తున్నారు. ఈ నేపథ్యంలో ముంబయి ఇండియన్స్‌ బ్యాట్స్‌మన్‌, సిక్సర్ల రారాజు యువరాజ్‌సింగ్‌ ఇప్పటికే ప్రాక్టీస్‌ మొదలెట్టాడు. ఈ సందర్భంగా ప్రాక్టీస్‌సెషన్‌లో తానెదుర్కొన్న మొదటి బంతినే సిక్సుగా మలిచి తన సత్తా చాటాడు యూవీ. ఈ సీజన్‌లో ఎలాగైనా రాణించాలనే పట్టుదలతో కనిపిస్తున్నాడు.

ఐపీఎల్‌ మొదటి వేలంలో ఏ జట్టూ యూవీని తీసుకోలేదు. రెండో వేలంలోనూ ఎవరూ ఆసక్తి చూపకపోవడంతో ఆఖరికి ముంబయి ఇండియన్స్‌ యాజమాన్యం రెండు కోట్ల ధరకు తీసుకుంది. దీంతో యూవీ ఎలాగైనా జట్టు యాజమాన్యం నమ్మకాన్ని నిలబెట్టాలని ప్రాక్టీస్‌ చేస్తున్నట్లు అర్థమవుతోంది. ఈ మేరకు యూవీ ప్రాక్టీస్‌ సెషన్‌లో కొట్టిన సిక్స్‌ వీడియోను ముంబయి ఇండియన్స్‌ ట్విటర్‌లో షేర్‌ చేసింది. దీంతో యూవీ అభిమానులు ఎంతో సంతోషిస్తున్నారు. వన్డేల్లో 304 మ్యాచులు, టెస్టుల్లో 40 మ్యాచులు ఆడిన యూవీ ముంబయి ఇండియన్స్‌కు ఎంతో విలువైన ఆటగాడు. తన అనుభవం రీత్యా ఈ సారి జట్టుని ముందుండి నడిపిస్తాడని యాజమాన్యం భావిస్తోంది.

ఇప్పటికే మూడుసార్లు టైటిల్‌ నెగ్గిన ముంబయి ఇండియన్స్‌ మరోసారి ట్రోఫీ కైవసం చేసుకోవాలని తహతహలాడుతోంది. కాగా మార్చి 23న ప్రారంభంకానున్న ఈ మెగా ఈవెంట్‌లో చెన్నైసూపర్‌కింగ్స్‌, రాయల్‌ ఛాలెంజర్స్‌ బెంగుళూరు జట్ల మధ్య చెన్నైలోని చిదంబరం స్టేడియంలో మొదటి మ్యాచ్‌ జరగనుంది. ఆపై మరుసటి రోజే ముంబయి ఇండియన్స్‌, దిల్లీ క్యాపిటల్స్‌ మధ్య ముంబయిలోని వాంఖడే స్టేడియంలో రెండో మ్యాచ్‌ జరగనుంది.

ఆర్ఆర్ఆర్ భామ డైసీ ఎడ్గార్‌ జోన్స్ గురించి తెలుసా.. రేర్ అండ్ క్యూట్ పిక్స్ మీకోస‌మే

ఆర్ఆర్ఆర్ సినిమాలో జూనియ‌ర్ ఎన్టీఆర్ సరసన న‌టించ‌బోయే విదేశీ భామ డైసీ ఎడ్గార్‌ జోన్స్ గురించి ఆస‌క్తిర‌క విష‌యాలు.. ఆమె రేర్ అండ్ క్యూట్ ఫొటోలు మీకోసం.‘డైసీ ఎడ్గార్‌ జోన్స్‌’.. రాజమౌళి త‌న ఆర్ఆర్ఆర్ సినిమాలో హీరోయిన్‌గా ఈ భామ పేరును ప్ర‌క‌టించ‌డ‌మే ఆల‌స్యం.. ఇండియ‌న్ ఫిల్మ్ ఇండ‌స్ట్రీలో హాట్ టాపిక్‌గా మారింది. ఈ ఇంగ్లండ్ భామ పేరు సోషల్ మీడియాలో మారుమోగుతోంది. ఆమె వివ‌రాల కోసం గూగుల్ మొత్తం గాలిస్తున్నారు. అస‌లు ఎవ‌రీ డైసీ ఎడ్గార్ జోన్స్‌.. ఏం చేస్తుంది? ఎలా ఉంటుంది? ఆమె పుట్టు పూర్వోత్త‌రాలు ఏంటి?? ఇలాంటివ‌న్నీ తెలుసుకోవ‌డానికి తెగ ఆస‌క్తి చూపిస్తున్నారు. నెట్‌లో తెగ వెతికేస్తున్నారు. అందుకే డైసీ గురించి వివ‌రాలు మీకు అందిస్తున్నాం. 
* డైసీ ఎడ్గార్ జోన్స్ బ్రిట‌న్‌కు చెందిన యువ నటి. స్వ‌స్థ‌లం ఇంగ్లండ్ రాజ‌ధాని లండ‌న్‌.
* వ‌య‌సు ప్ర‌స్తుతం 21 సంవ‌త్స‌రాలు.
* ఎత్తు 5.6 అడుగులు.
* ఆమె టీవీ సిరీస్‌లు, నాట‌కాల్లో ఫేమ‌స్‌. కోల్డ్‌ ఫీట్‌, వార్‌ ఆఫ్‌ ది వరల్డ్స్‌, జెంటిల్‌మాన్‌ జాక్‌, సైలంట్‌ విట్‌నెస్‌, ఔట్‌ నంబర్డ్‌ తదితర టీవీ సిరీస్‌లో న‌టించారు.
* 2018లో విడుద‌లైన ‘పాండ్‌ లైఫ్‌’ అనే సినిమాలో నటించింది, ‘వింటర్‌ సాంగ్‌’ అనే షార్ట్‌ ఫిల్మ్‌లో కనిపించింది.
* డైసీ ఐదేళ్ల వయసులోనే నటనా రంగంలోకి వచ్చింది.
* 15 సంవ‌త్స‌రాల వ‌య‌సులోనే ఇంగ్లాండ్‌లోని నేషనల్‌ యూత్‌ థియేటర్‌లో అడుగుపెట్టింది. ఈ థియేట‌ర్ వాళ్లు న‌ట‌న‌లో ద బెస్ట్‌ అనుకున్న‌వారినే ఎంపిక చేస్తుంటారు. నాట‌కాల్లో న‌టించే అవ‌కాశం ఇస్తారు. మొద‌టి ప్ర‌య‌త్నంలోనే థియేట‌ర్‌కు ఎంపికై అంద‌రినీ ఆశ్చ‌ర్య‌ప‌రిచింది.
* 2017లో ప్ర‌ముఖ ర‌చ‌యిత మోహ్సిన్ హ‌మీద్ ర‌చించిన ‘ది రిలక్టెంట్‌ ఫండమెండలిస్ట్‌’ న‌వ‌ల ఆధారంగా రూపొందించిన నాట‌కంలో డైసీకి లీడ్‌రోల్ ద‌క్కింది. అప్ప‌టి నుంచి నాట‌క‌రంగంలో ఆమె పేరు మార్మోగింది.
* డైసీ అమెరికన్‌, ఐరిష్‌ యాసలో మాట్లాడగల‌దు. డాన్స్‌, మ్యూజిక్‌, గిటార్‌ వాయించడం, పాటలు పాడటం ఆమెకు ఇష్టం.
* గులాబీలంటే ఎంతో ఇష్ట‌ప‌డే డైసీ.. తన కుడిభుజంపై గులాబీ పువ్వు టాటూ వేయించుకుంది.
* ఆమెకు విహార యాత్రలంటే చాలా ఇష్టం. ఫ్రెండ్స్‌తో క‌లిసి టూర్‌కు వెళ్ల‌డం మ‌హా స‌ర‌దా. ప్ర‌ముఖ ప‌ర్యాట‌క ప్రాంతాల‌కు వెళ్లి ఆ ఫొటోల‌ను షేర్ చేస్తుంది.
* త్రో బ్యాక్ పేరుతో అప్పుడ‌ప్పుడు త‌న పాత ఫొటోలను షేర్‌ చేస్తుంటుంది.
ఆర్ఆర్ఆర్ సినిమాలో కొమరం భీమ్ పాత్ర పోషిస్తున్న జూ ఎన్టీఆర్ స్నేహితురాలి/ప్రేమికురాలి పాత్రలో కనిపించనుంది. మనకు అసలు తెలియని ఈ పాత్రను రాజమౌళి ఎలా తీర్చిదిద్దనున్నాడో అన్నది ఇప్పుడు ఆసక్తికరంగా ఉంది. ఏదేమైనా వెల్కమ్ టు టాలీవుడ్ డైసీ ఎడ్గార్ జోన్స్.

 

ఈ 8 సినిమాలు ఫ్లాప్ అవ్వడానికి కారణం మీకైనా తెలుసా?

కొన్ని సినిమాలు హిట్ అవుతాయి.. కొన్ని సినిమాలు ఫ్లాప్ అవుతాయి. ఇది సాధారణంగా జరిగే విషయమే. అయితే మరికొన్ని సినిమాలు ఉంటాయి.. ఇవి హిట్ అయి ఫ్లాప్ అవుతుంటాయి.అదెలా అంటే, సినిమాకు ప్రేక్షకుల నుండి అద్భుతమైన రెస్పాన్స్ వస్తుంది, విమర్శకుల ప్రశంసలు కూడా దక్కుతాయి. కానీ కలక్షన్ల పరంగా చుస్తే మాత్రం నిరాశ పరుస్తాయి. అలాంటి చాలా సినిమాలు మన టాలీవుడ్ లో గుట్టలు గుట్టలుగా ఉన్నాయి. థియేటర్ల వద్ద ఆడకపోయినా.. ఈ సినిమాలకంటూ సెపరేట్ ఫ్యాన్ బేస్ ఉంది. మరి అలాంటి సినిమాలలో కొన్నింటిని చూద్దామా..

1) ఖలేజా
త్రివిక్రమ్ పంచ్ డైలాగ్స్ కి మహేష్ టైమింగ్ తోడైతే ఎలా ఉంటుందో మనం ఈ సినిమాలో చూశాం. ఎప్పుడూ చూడనటువంటి మహేష్ బాబు సరికొత్త యాక్టింగ్ ఈ సినిమాలో చూడవచ్చు. హీరోని దేవుడిని చేసే కాన్సెప్ట్ ను కొంతమంది పాజిటివ్ గా తీసుకుంటే, మరికొంతమంది నెగటివ్ గా తీసుకున్నారు. ఈ కాన్సెప్ట్ ను అర్ధం చేసుకున్నవాళ్ళు సినిమా హిట్ అన్నారు.. అర్ధం చేసుకోలేని వాళ్ళు సినిమా ఫ్లాప్ అన్నారు అంతే తేడా.
2) ఆరెంజ్
టాలీవుడ్ లో ఇలాంటి స్టోరీతో సినిమా రావడం ఇదే మొదటిసారి అనుకుంటా. ప్రేమకథతో తెరకెక్కిన సినిమాలు మనం ఇప్పటివరకు చాలానే చూసుంటాం. కానీ ఈ సినిమా లవ్ స్టోరీస్ అన్నింటికి తోపు అనొచ్చు. నిజాలు చెప్పి ప్రేమించడం, ఎక్కువ కాలం ప్రేమ ఉండదు అనే భిన్నమైన కాన్సెప్ట్ కొంతమంది ఆడియన్స్ కి ఎక్కక.. సినిమా బాగాలేదు అనేశారు. అర్ధం చేసుకున్నవాళ్ళు మాత్రం 'ఆరెంజ్'కి ఫిదా అయిపోయారు.

3) 1- నేనొక్కడినే
సుకుమార్ సినిమా అంటే బోలెడన్ని లాజిక్స్ అండ్ క్రియేటివిటీ ఉంటుంది. మరి అతని సినిమాలను అర్ధం చేసుకోవాలంటే లాజికల్ థింకింగ్ ఉండాలి. '1- నేనొక్కడినే' సినిమా కూడా ఆ కైండ్ ఆఫ్ థింకింగ్ ఉంటేనే అర్ధమవుతుంది. ఈ సినిమాకు కల్ట్ ఫాన్స్ ఇప్పటికీ ఉన్నారు. టీవీ లో ఎప్పుడు వేసినా..టీవీ సెట్స్ కు అతుక్కుపోయేవాళ్లు చాలా మందే ఉన్నారు.
4) తీన్ మార్
పవన్ కళ్యాణ్ ద్విపాత్రాభినయం చేసిన ఈ సినిమా ప్రేక్షకులకు బాగా నచ్చింది. కేవలం అర్జున్ పాల్వాయ్ పాత్ర కోసం సినిమా చూసినవాళ్లు ఎందరో ఉన్నారు. ముఖ్యంగా త్రివిక్రమ్ రాసిన డైలాగ్స్ సినిమాకే హైలైట్ గా ఉన్నాయి. 'అందంగా లేదని అమ్మని.. కోపంగా ఉన్నాడని నాన్నని వదిలేయలేం కదా'.. లాంటి హార్ట్ టచింగ్ డైలాగ్స్ రాయాలంటే త్రివిక్రమ్ తరువాతే ఎవరైనా. ఆయన డైలాగ్స్ డెప్త్ గా ఆలోచించేవారికే అర్థమవుతాయి.

5) ప్రస్థానం
శర్వానంద్ ను నటుడిగా ఇంకో మెట్టు ఎక్కించిన చిత్రం 'ప్రస్థానం'. సాయి కుమార్, శర్వానంద్, సందీప్ కిషన్ ముఖ్య పాత్రలుగా నటించిన ఈ చిత్ర కథ చాలా కొత్తగా ఉంటుంది. పొలిటికల్ థ్రిల్లర్ గా రూపొందిన ఈ చిత్రానికి దేవ కట్టా దర్శకత్వం వహించారు. మంచి సినిమా ప్రేక్షకులకు ఎప్పుడూ లేటుగానే తెలుస్తుంది అనుకుంటా.. ఈ సినిమాకు థియేటర్ల వద్ద జనాలే కరువైపోయారు. కానీ క్రిటిక్స్ నుండి మంచి రెస్పాన్స్ రావడమే కాకుండా.. ఎన్నో అవార్డులను తెచ్చిపెట్టింది.
6) రాఖీ
యంగ్ టైగర్ ఎన్టీఆర్ నట విశ్వరూపం చూపించిన సినిమా 'రాఖీ'. కృష్ణవంశీ దర్శకత్వం వహించారు. చెల్లికి జరిగిన అన్యాయాన్ని తిప్పికొట్టి సమాజం మీద ఓ యువకుడు జరిపిన పోరాటమే ఈ చిత్ర కథ. తారక్ ను ఎక్కువగా మాస్ హీరోగా మనం చూస్తుంటాం.. కానీ ఈ సినిమాలో ఎన్టీఆర్ పండించిన ఎమోషన్స్ అందరికీ కనెక్ట్ అయినా ఎక్కడో తేడా కొట్టేసింది.

7) ఆర్య-2
'ఆర్య'కి సీక్వెల్ గా సుకుమార్ రూపొందించిన చిత్రం 'ఆర్య 2'. మొదటి భాగం సక్సెస్ అయినంతగా రెండవ భాగం ఆకట్టుకోలేకపోయింది. విశ్లేషకుల నుండి మిశ్రమ స్పందనలను చవిచూసి ఈ చిత్రం బాక్సాఫీసు వద్ద విజయం సాధించలేకపోయింది. అయినా అల్లు అర్జున్ డాన్సులు, సుకుమార్ సృజన, దేవి శ్రీ ప్రసాద్ సంగీతం విశేషంగా ఆదరించబడ్డాయి.
8) ఓయ్
కొన్ని ప్రేమకథలు చాలా విచిత్రంగా ఉంటాయి. అలాంటి ప్రేమకథలలో 'ఓయ్' సినిమా చాలా ప్రత్యేకంగా ఉంది. ఎంతో పొయిటిక్ గా సాగే ఈ కథ జనాలందరినీ ఆకట్టుకుంది. కానీ థియేటర్ల వద్ద ఆశించినంత స్థాయిలో ఆడలేదు. యువన్ రాజా శంకర్ అందించిన సంగీతం మాత్రం ఇప్పుడు విన్నా చాలా ఫ్రెష్ గా అనిపిస్తుంది.

Latest Hits(ఎక్కువ మంది చదివిన వార్తలు)